ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ଏକ ଗ୍ରାମରେ ଜଣେ ଯୁବତୀଙ୍କୁ ଅସଦାଚରଣ କରିବା ମାମଲାରେ ଶନିବାର ପୁଲିସ ସମ୍ପର୍କୀୟ ଦାଦାକୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ଜଣକ ହେଲେ ଏରେଣ୍ଡ୍ରକ୍ଷ ଗ୍ରାମର ପି. ନାଲା ଦୋରା(୪୯)।
ସୂଚନା ଅନୁସାରେ, ଗତ ଅକ୍ଟୋବର ୩୧ ତାରିଖ ଦିନ ନାଲା ଦୋରା ଯୁବତୀଙ୍କର ଏକ ଗଛ ହାଣି ଦେଇଥିଳେ। ଯୁବତୀ ତାଙ୍କୁ ପଚାରିବାରୁ ସେ ଆକ୍ରମଣ କରିବା ସହିତ ଅସଦାଚରଣ କରିଥିବା ନେଇ ଥାନାରେ ଅଭିଯୋଗ ହୋଇଥିଲା। ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ଶନିବାର ଗ୍ରାମରେ ନାଲା ଥିବା ଖବର ପାଇ ପୁଲିସ ଚଡାଉ କରି କାବୁ କରିବା ସହ ଅପରାହ୍ନରେ ଗିରଫ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ତଥା ଡ଼ିଏସପି ବିବେକାନନ୍ଦ ସ୍ୱାଇଁ ସୂଚନା ଦେଇଛନ୍ତି।
