ବୁର୍ଲା: ଭିସୁଟ୍ ର ନୂତନ କୁଳପତି ଭାବେ ଦାୟିତ୍ଵ ଗ୍ରହଣ କଲେ ପ୍ରଫେସର ଦୀପକ କୁମାର ସାହୁ । ପ୍ରଫେସର ସାହୁ ଙ୍କୁ ଭିସୁଟ୍ ମୁଖ୍ୟ ଫାଟକ ନିକଟରୁ ଭାରପ୍ରାପ୍ତ କୁଳପତି ପ୍ରଫେସର ବିଭୁତି ଭୂଷଣ ପତି , ଆଇ କ୍ୟୁ ଏ ସି ର ନିର୍ଦେଶକ ପ୍ରଫେସର ଶରତ କୁମାର ସ୍ୱାଇଁ , କୁଳସଚିବ ପ୍ରଦୀପ କୁମାର ଡାଙ୍ଗ , ବିତ୍ତ ଅଧିକାରୀ ତୁଲାରାମ କଲେତ , ପ୍ରଫେରେ ଦେବଦତ୍ତ ମିଶ୍ର , ପ୍ରଫେସର ଜୟଦେବ ରଣା, ପ୍ରଫେସର ସଞ୍ଜୟ ଅଗ୍ରୱାଲ , ପ୍ରଫେସର ପ୍ରିୟରଞ୍ଜନ ମହାପାତ୍ର ଙ୍କ ସମେତ ବିଶ୍ୱବିଦ୍ୟାଳୟ ର ଅନ୍ୟ ସମସ୍ତ ଅଧିକାରୀ ମାନେ ଉପସ୍ଥିତ ରହି ନୂତନ କୁଳପତି ଙ୍କୁ ସ୍ୱାଗତ କରିଥିଲେ । ପ୍ରଫେସର ସାହୁ ବିଶ୍ୱବିଦ୍ୟାଳୟ କୁ ପ୍ରବେଶ କରିବା ପରେ କାର୍ଯ୍ୟାଳୟ ପରିସର ରେ ଥିବା ଶ୍ରୀ ଗଣେଶ ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରି ପୂଜାର୍ଚ୍ଚନା ପରେ ନିଜ କାର୍ଯ୍ୟାଳୟ କୁ ଯାଇ ଦାୟିତ୍ବ ଗ୍ରହଣ କରିଛନ୍ତି । ପ୍ରଫେସର ସାହୁ ଢେଙ୍କାନାଳ ଜିଲ୍ଲାରେ ଜନ୍ମଗ୍ରହଣ କରି ଓଡ଼ିଶାର ଏକ ବିଶ୍ୱବିଦ୍ୟାଳୟ ରେ କୁଳପତି ଭାବେ କାର୍ଯ୍ୟକରିବାର ସୁଯୋଗ ମିଳିଥିବାରୁ ସେ ମହାମହିମ ରାଜ୍ୟପାଳ ତଥା କୁଳାଧିପତି ଙ୍କ ନିକଟରେ କୃତଜ୍ଞତା ଜ୍ଞାପନ କରିଛନ୍ତି ।
Comments are closed.