ଆସନ୍ତା କାଲି ଜନ୍ମାଷ୍ଟମୀ ; ସାରା ରାଜ୍ୟ ଉତ୍ସବ ମୁଖର

ଶ୍ରୀମନ୍ଦିରରେ ବ୍ୟାପକ ପ୍ରସ୍ତୁତି

Copy Editor AH | Published On: Aug 13, 2017 06:16 PM IST |   416

ପୁରୀ: ଆସନ୍ତା କାଲି ଶ୍ରୀକୃଷ୍ଣ ଜନ୍ମାଷ୍ଟମୀ  । ଏଥିପାଇଁ ଆଜିଠାରୁ ସରା ରାଜ୍ୟରେ ପ୍ରସ୍ତୁତି ଆରମ୍ଭ ହୋଇଯାଇଛି  । ବିଭିନ୍ନ ମଠ ମନ୍ଦିର ଓ ଧାର୍ମିକ ଅନୁଷ୍ଠାନ ପକ୍ଷରୁ ଏହି ପବିତ୍ର ଉତ୍ସବ ପାଳନ କରିବା ପାଇଁ  ଆୟୋଜନ ଚାଲିଛି  । ରାଜ୍ୟର ପୁର ପଲ୍ଲୀରେ ଥିବା ମଠ ଓ ମନ୍ଦିର ଗୁଡିକରେ ସାଜସଜା ଆରମ୍ଭ ହୋଇଯାଇଛି  । 

ଅନ୍ୟ ପକ୍ଷରେ ଭାଦ୍ରବ କୃଷ୍ଣ ଅଷ୍ଟମୀ ତିଥିରେ  ଶ୍ରୀମନ୍ଦିରରେ ଆସନ୍ତାକାଲି ଜନ୍ମାଷ୍ଟମୀ ଉତ୍ସବ ପାଳନ ପାଇଁ  ମଧ୍ୟ ବ୍ୟାପକ ପ୍ରସ୍ତୁତି ଚାଲିଛି  । ଏହା ଏକ ଗୁପ୍ତ ନୀତି ହୋଇଥିବାରୁ ତାହାକୁ ଯେପରି କେହି ସାଧାରଣ ଭକ୍ତ ଦେଖି ନପାରିବେ ସେଥିଲାଗି ପ୍ରଶାସନ ପକ୍ଷରୁ କଟକଣା ଜାରୀ କରାଯାଇଛି  । ସନ୍ଧ୍ୟାଧୂପ ନୀତି ଶେଷହେବା ପରେ ରାତି ପ୍ରାୟ ସାଢେ ୧୧ଟା ବେଳକୁ ଗର୍ଭଗୃହରେ ଥିବା ଜୟବିଜୟ ଦ୍ୱାରକୁ ବନ୍ଦ କରିଦିଆଯାଇ ଶ୍ରୀକୃଷ୍ଣଙ୍କ ଜନ୍ମ ନୀତି ଆରମ୍ଭ ହେବ ବୋଲି ସୂଚନା ମିଳିଛି  । ମହାପ୍ରଭୁଙ୍କର ପ୍ରସବ ବେଦନା ଲାଘବ କରିବାପାଇଁ ଆଜି  କେବଳ ଜଗନ୍ନାଥଙ୍କ ବାଡରେ ଗର୍ଭ ଉଦକ ଭୋଗ କରାଯିବ  । ଆସନ୍ତାକାଲି ଦୁଇଜଣ ମହାଜନ ସେବକ ଦେବକୀ ଓ ବସୁଦେବ ବେଶରେ ଲୁଗା ଘୋଡାଇହୋଇ ଜନ୍ମ ଚକଡାଠାରେ ଶ୍ରୀକୃଷ୍ଣଙ୍କୁ ଜନ୍ମ କରାଇବେ  । ଏହି ଅବସରରେ ଶ୍ରୀମନ୍ଦିରରେ  ଲକ୍ଷାଧିକ ସଂଖ୍ୟକ ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ଶ୍ରୀମନ୍ଦିର ପ୍ରଶାସନ ଓ ପୁଲିସ ବିଭାଗ ପକ୍ଷରୁ ଆବଶ୍ୟକୀୟ ନିରାପତ୍ତା ବ୍ୟବସ୍ଥା ଗ୍ରହଣ କରାଯାଉଥିବା ସୂଚନା ମିଳିଛି  । ଏତଦ୍‌ବ୍ୟତିତ ଶ୍ରୀକ୍ଷେତ୍ରରେ ଥିବା ଶତାଧିକ  ମଠବାଡି ମାନଙ୍କରେ ମଧ୍ୟ ଜନ୍ମାଷ୍ଟମୀ ଉତ୍ସବ ପାଳନ ଲାଗି ପ୍ରସ୍ତୁତି ଚାଲିଛି  ।

ସେହିପରି କନ୍ଧମାଳ ଜିଲ୍ଲା ତୁମୁଡିବନ୍ଧ ବ୍ଲକର ଚକାପାଦ ଓ ଜଲେଶପେଟା ସ୍ଥିତ ସ୍ୱାମୀ ଲକ୍ଷ୍ମଣାନନ୍ଦଙ୍କ ଆଶ୍ରମରେ ଜନ୍ମାଷ୍ଟମୀ ପାଇଁ ମଧ୍ୟ ସୁରକ୍ଷା ବ୍ୟବସ୍ଥା କଡ଼ାକଡି କରାଯାଇଛି  । ସ୍ୱାମିଜୀଙ୍କ ଶ୍ରାଦ୍ଧ ବାର୍ଷିକୀକୁ ବଳିଦାନ ଦିବସଭାବେ ପାଳନ କରାଯାଉଛି  । ରାଜ୍ୟର ବିଭିନ୍ନ ସ୍ଥାନରୁ ବହୁ ସାଧୁ-ସନ୍ଥ ଏଥିରେ ଯୋଗଦେବାର କାର୍ଯ୍ୟକ୍ରମ ରହିଛି  । ସେହି ଦୃଷ୍ଟିରୁ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି  । ୨୦୦୮ ମସିହା ଜନ୍ମାଷ୍ଟମୀରେ ମ୍ବାମିଜୀଙ୍କୁ ହତ୍ୟା କରାଯାଇଥିଲା  ।

Tags:

Like Us

Breaking News

ଧନୁ ସଂକ୍ରାନ୍ତିରେ ଶ୍ରୀମନ୍ଦିରରେ ଆରମ୍ଭ ହେଲା ପହିଲି ଭୋଗ ନୀତି କୋଇଲା ଦୁର୍ନୀତି ଅଭିଯୋଗରେ ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀଙ୍କ ସମେତ ୪ ଜଣଙ୍କୁ କାରାଦଣ୍ଡାଦେଶ ଭୁବନେଶ୍ବର: ୧୭ତମ ଫେଡେରସନ୍ କପ୍ କରାଟେ ପ୍ରତିଯୋଗୀତା ଆରମ୍ଭ ଅନୁଗୁଳ: ଖମାର ରେଞ୍ଜ ନିକଟବର୍ତ୍ତି ଅଞ୍ଚଳରେ ହାତୀ ଆକ୍ରମଣରେ ମହିଳା ମୃତ