୩୩୩ ରନ ପଛରେ ଶ୍ରୀଲଙ୍କା

ଭାରତ ୪୮୭, ଶ୍ରୀଲଙ୍କା ୧୩୫

Copy Editor AH | Published On: Aug 13, 2017 04:51 PM IST | Updated On: Aug 13, 2017 09:42 AM IST |   446

କାଣ୍ଡି : କାଣ୍ଡିର ପାଲ୍ଲେକେଲେ ନେସନାଲ ଷ୍ଟାଡିୟମରେ ଭାରତ-ଶ୍ରୀଲଙ୍କା ମଧ୍ୟରେ  ଚାଳିଥିବା ଚଳିତ ଟେଷ୍ଟ ସିରିଜ୍‌ର ତୃତୀୟ ତଥା ଶେଷ ଟେଷ୍ଟ ମ୍ୟାଚ ଏକ ରୋମାଞ୍ଚକର ସ୍ଥିତିରେ ପହଞ୍ଚିଛି  । ବିଗତ ଦୁଇଟି ଟେଷ୍ଟ ଭଳି ଏହି ଟେଷ୍ଟ ମ୍ୟାଚରେ ମଧ୍ୟ ଭାରତ ମଜବୁତ ସ୍ଥିତିରେ ଥିବା ବେଳେ ଶ୍ରୀଲଙ୍କା ବ୍ୟାଟିଂ ବିପର୍ୟ୍ୟୟର ସମ୍ମୁଖୀନ ହୋଇ ପ୍ରଥମ ଇନିଂସରେ ୧୩୫ ରନ କରିଥିବା ବେଳେ ଦ୍ବିତୀୟ ଇନିଂସରେ ଗୋଟିଏ ୱିକେଟ ହରାଇ ୧୯ ରନ କରିଛି।  ଭାରତର  ପ୍ରଥମ ଇନିଂସ ସ୍କୋର ୪୮୭ ରନକୁ ପିଛା କରି ନିୟମିତ ବ୍ୟବଧାନରେ ୱିକେଟ ହରାଇ ଶ୍ରୀଲଙ୍କା ଶେଷରେ ୧୩୫ ରନ କରିପାରିଛି। ଏକଦା ମାତ୍ର ୨୨.୧ ଓଭରରେ ୬ଟି ୱକେଟ ହରାଇ ଥିବା ବେଳେ ୩୩ ଓଭରରେ ୮ ୱିକେଟ ହରାଇଥିଲା। ପରେ ୩୭.୭ ଓଭରରେ ବାକି ୨ଟି  ୱିକେଟ ହରାଇ ୧୩୫ ରନ କରିଥିଲା । ୩୫୨ ରନ ପଛରେ ଥାଇ ପରେ ଦ୍ବିତୀୟ ଇନିଂସ ଆରମ୍ରେଭ କରି ଶ୍ରୀଲଙ୍କା ଗୋଟିଏ ୱିକେଟ ହରାଇ ୧୯ ରନ କରିଛି।

ମ୍ୟାଚର ଦ୍ୱିତୀୟ ଦିନରେ ଭାରତ ୬ ୱିକେଟରେ ୩୨୯ ରନରୁ ଖେଳ ଆରମ୍ଭ କରି ହାଦ୍ରିକ ପାଣ୍ଡ୍ୟାଙ୍କ ବିସ୍ଫୋରକ ଶତକ ବଳରେ ୪୮୭ ରନ କରି ଅଲଆଉଟ ହୋଇଥିଲା  । ପାଣ୍ଡ୍ୟା ୯୬ ବଲରେ ୭ଟି ଛକା ଓ ୪ଟି ଚୌକା ବଳରେ ୧୦୮ ରନ କରିଥିଲେ  । ଟେଷ୍ଟ କ୍ରିକେଟରେ ପ୍ରଥମ ପଦାର୍ପଣରେ ପାଣ୍ଡ୍ୟା ଶତକ ହାସଳ କରି ଆଉ ଏକ ରେକର୍ଡ କରିଛନ୍ତି  । ମଧ୍ୟାହ୍ନ ଭୋଜନ ପରେ ଭାରତ ଅଲଆଉଟ ହୋଇଯାଇଥିଲା  । ଗତକାଲି ଭାରତ ଶିଖର ଧାୱନଙ୍କ ୧୧୯ ଏବଂ କେ.ଏଲ ରାହୁଲଙ୍କ ୮୫ ରନ ବଳରେ ୬ ୱିକେଟରେ ୩୨୯ ରନ୍‌ କରିଥିଲା  । ଆଜି ଆଉ ୧୫୮ ରନ ଯୋଡି ଅଲଆଉଟ ହୋଇଥିଲା  । ଏବେ  ମ୍ୟାଚ ଭାରତ ସପକ୍ଷରେ ଥିବାବେଳେ ଏହାକୁ ବଜାୟ ରଖିବାକୁ ଭାରତୀୟ ଦଳ ଚେଷ୍ଟା କରିବ  । 

ପ୍ରଥମ ଟେଷ୍ଟରେ ଭାରତ ୩୦୪ରନ୍‌ ରେ ବିଜୟୀ ହୋଇଥିବା ବେଳେ ୨ୟ ଟେଷ୍ଟରେ ଏକ ଇନିଂସ ଓ ୫୩ ରନରେ ବିଜୟୀ ହୋଇଥିଲା  । ତେଣୁ ଏହି ମ୍ୟାଚ ଜିତି ଭାରତୀୟ ଦଳ ସିରିଜ ପୋଛି ନେବା ପାଇଁ ଆଶା ରଖିଛି  ।

Tags:

Like Us

Breaking News

ଧନୁ ସଂକ୍ରାନ୍ତିରେ ଶ୍ରୀମନ୍ଦିରରେ ଆରମ୍ଭ ହେଲା ପହିଲି ଭୋଗ ନୀତି କୋଇଲା ଦୁର୍ନୀତି ଅଭିଯୋଗରେ ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀଙ୍କ ସମେତ ୪ ଜଣଙ୍କୁ କାରାଦଣ୍ଡାଦେଶ ଭୁବନେଶ୍ବର: ୧୭ତମ ଫେଡେରସନ୍ କପ୍ କରାଟେ ପ୍ରତିଯୋଗୀତା ଆରମ୍ଭ ଅନୁଗୁଳ: ଖମାର ରେଞ୍ଜ ନିକଟବର୍ତ୍ତି ଅଞ୍ଚଳରେ ହାତୀ ଆକ୍ରମଣରେ ମହିଳା ମୃତ