ଐତିହ୍ୟ- ମୌନୀବାବା ମଠ:ଛାତ ପକାଇ ପାରିଲେନି ହିନ୍ଦୋଳ ରଜା

.

Published On: Aug 13, 2017 04:28 PM IST | Updated On: Aug 13, 2017 07:02 AM IST   235

ଐତିହ୍ୟ- ମୌନୀବାବା ମଠ:ଛାତ ପକାଇ ପାରିଲେନି ହିନ୍ଦୋଳ ରଜା

ଚାଳିଶି ଦଶକର କଥା । ଯେତେବେଳେ ତୁଳସୀପୁର ଅଞ୍ଚଳ ଘନଜଙ୍ଗଲରେ ଭରି ରହିଥିଲା, ଆଖପାଖରେ କେବଳ ଗୋପାଳମାନେ ହିଁ ବାସ କରୁଥିଲେ । ଗରିବ ଦାସ ସନ୍ଥପୁରୁଷ ବୃନ୍ଦାବନରୁ ପୁରୀ ଆସିଥିଲେ । ଏକ ମୃଗଛାଲ ଉପରେ ପଦ୍ମାସନରେ ବସି କଟକର କାଠଯୋଡି ପାର ହେଉଥିଲା ବେଳେ ଲୋକେ ତାଙ୍କୁ ସ୍ୱାଗତ କଲେ । ଲୋକଙ୍କ ଶ୍ରଦ୍ଧା ଏଡାଇ ନ ପାରି ଗରିବ ଦାସ ଏଇ ତୁଳସୀପୁର ଜଙ୍ଗଲରେ ନିଜ ଆଶ୍ରମ ପ୍ରତିଷ୍ଠା କଲେ । ସେଇଠି ତପସ୍ୟା କଲେ ଏବଂ ରଘୁନାଥଙ୍କ ମନ୍ଦିରଟିଏ ଗଢିଲେ । ପରବର୍ତ୍ତୀ କାଳରେ ବାବା ସମାଧି ନେଲେ। କଟକରେ ମୋଗଲ ରାଜୁତି କାଳରେ ସେହି ପ୍ରାଚୀନ ରଘୁନାଥ ମନ୍ଦିରକୁ ଭାଙ୍ଗି ଦିଆଗଲା । ମନ୍ଦିରର ଭଗ୍ନାବଶେଷ ମାଟି ତଳେ ରହିଗଲା । ମାଟି ତଳେ ସନ୍ଥ ଗରିବ ଦାସ ସମାଧିରେ ଅଛନ୍ତି  । ରହିଛି ଭଗ୍ନ ରଘୁନାଥ ମନ୍ଦିର । ଠିକ୍‌ ସେହି ସ୍ଥାନରେ ହିନେ୍ଦାଳ ରାଜାଙ୍କ କୋଠି ତିଆରି ହେଉଥିବାରୁ କାମରେ ବିଘ୍ନ ଘଟୁଛି; ରାଜାଙ୍କ କୋଠି ପାଇଁ ତାହା ଠିକଣା ସ୍ଥାନ ନୁହେଁ ବୋଲି ଦର୍ଶାଇ, ସେଇଠି ନିଜ ମଠ ପ୍ରତିଷ୍ଠା କରିବାରେ ଆଗ୍ରହ ରଖିଲେ ମୌନୀ ବାବା । ତାହା ହିଁ ହେଲା; ସାମାନ୍ୟ ଦୂରରେ ହିନ୍ଦୋଳ ରାଜା କୋଠି ତିଆରି କଲେ ଏବଂ ସେ ସ୍ଥାନରେ ଗଢିଉଠିଲା ‘ମୌନୀବାବା ମଠ’ । ୧୯୪୦ ମସିହାରେ ମୌନୀବାବା ତାଳଚେରରୁ ଆସି କଟକ ତୁଳସୀପୁର ମଠରେ ଅବସ୍ଥାନ କଲେ । ମାଟିର ଚଟାଣ, ମାଟିଇଟାର କାନ୍ଥ ଓ ଟିଣର ଛପର ପଡିଥିବା ଆଶ୍ରମରେ ଜଗନ୍ନାଥଙ୍କୁ ପୂଜା କଲେ। ସେହି ବର୍ଷରୁ ବାବା ଆରମ୍ଭ କରିଥିଲେ ପବିତ୍ର ବାରୁଣୀ ଯାତ୍ରା; ଯାହା ଏ ଯାବତ୍‌ ପ୍ରତିବର୍ଷ ମଠରେ ବଡ଼ ଯାକଜମକରେ ପାଳିତ ହୋଇଆସୁଛି । ୧୯୭୬ରେ ମୌନୀବାବା ସମାଧୀ ନେଲେ । ଏବେ ମଠର ମହନ୍ତ ଅଛନ୍ତି ବାଳଯୋଗୀ ପୁରନ୍‌ ଦାସ ଉଦାସୀ ।

ଗୋଟିଏ ଗୋଡ଼ରେ ୬୧ଦିନ

୧୯୬୪ ସାଲରେ ଗଡ଼ଗଡିଆରେ ଲୋକେ ଥାଟପଟାଳି ଭାଙ୍ଗିଲେ। ସେଠି ଗୋଟିଏ ଗୋଡରେ ୬୧ଦିନ ତପସ୍ୟାରେ ଥିବା ଜଣେ ଯୁବସନ୍ୟାସୀଙ୍କୁ ଦେଖିବାକୁ ମିଳିଲା । ଚାରିପଟେ ନିଅାଁଜାଳି, ମଝିରେ କରୁଥିଲେ ସେ ୮୪ ଆସନ । ପୁଣି ଚାଲିଥିଲା ନଚିକେତା ଯଜ୍ଞ । ସେ ଥିଲେ ପୁରନ୍‌ ଦାସ । ତୁଳସୀପୁରରୁ ମୌନୀବାବା ଯାଇ ତାଙ୍କୁ ଭେଟିଲେ ଏବଂ ମଠ ଦାୟିତ୍ୱ ତୁଲାଇବାକୁ କହିଲେ। ପୁରନ୍‌ ଦାସ କିନ୍ତୁ ଦାୟିତ୍ୱ ହସ୍ତାନ୍ତରର କାଗଜପତ୍ର କାମ ସାରି “ଠିକଣା ବେଳେ ଆସି ପହଞ୍ଚିବି’ କହି ବିଶାଖାପାଟଣା ଚାଲିଗଲେ । ଏଣେ ମୌନୀବାବାଙ୍କ ଦେହାବସାନ ପରେ ମଠ ଫାଙ୍କା ପଡିଲା। ଧୀରେ ଧୀରେ ମଠର କିଛି କିଛି ଅଂଶ ଜବରଦଖଲରେ ଯିବାକୁ ଲାଗିଲା ଏବଂ ଅସାମାଜିକ କାର୍ଯ୍ୟକଳାପର ପେଣ୍ଠ ପାଲଟିଲା। ମଠ ପରିସରରେ ଏକ ହତ୍ୟାକାଣ୍ଡ ବି ଘଟିଲା। ବିଳମ୍ବ ହେଉପଛେ, କିନ୍ତୁ ଫେରିଲେ ପୁରନ୍‌ ଦାସ । ୧ଏକର ୨୫୦ ଡେସିମିଲ ପରିମିତ ମଠ ଅଞ୍ଚଳ ପୁଣି ଚମକି ଉଠିଲା । ଏବେ ମଠର ସୋନ୍ଦର୍ଯ୍ୟକରଣ ଚାଲିଛି । ମୂଲ୍ୟବାନ ରଂଗିନ ପଥର, କାଚ ଓ ମାଳିରେ ମଠକୁ ଝଲସାଉଛନ୍ତି ରାଜସ୍ତାନର କାରିଗର । ଦେବଦେବୀଙ୍କ ବିଶାଳ ପଥର(ମାର୍ବଲ) ମୂର୍ତ୍ତି ସବୁ ଜୟପୁରରୁ ଆସୁଛି । ଗରିବ ଦାସ ଓ ମୌନୀବାବାଙ୍କ ସମାଧିସ୍ଥଳ ମଠ ପରିସରରେ ରହିଛି । ପୋଷା ରାଜହଂସମାନେ ଦିନସାରା ଆଶ୍ରମ ପରିସରକୁ ଚଳଚଞ୍ଚଳ କରି ରଖିଥିଲା ବେଳେ ରାତିରେ ମଠ ଜଗୁଛନ୍ତି ଦଳେ ବିଦେଶୀକୁକୁର ।

Tags:

Related News

Like Us

ବିଗ୍‌ ନିଉଜ

ଏଣ୍ଟରଟେନମେଣ୍ଟ

Breaking News

ସୁନ୍ଦରଗଡ: ବୀରମିତ୍ରପୁର ଯଲଙ୍ଗବିରା ବିଦ୍ୟାଳୟର ଛାତ ମରାମତି ବେଳେ ଛାତରୁ ପଡି ଜଣେ ଶ୍ରମିକର ମୃତ୍ୟୁ ଓ ଅନ୍ୟ ଜଣେ ଆହତ । ସ୍ଥାନିୟ ଅଂଚଳରେ ଉତ୍ତେଜନା। | ଯାଜପୁର/ଅନୁଗୋଳ : ଯାଜପୁର ଜିଲ୍ଲା ବିଞ୍ଝାରପୁର ବ୍ଲକର ଜରି ଗ୍ରାମର ଦୁଇ ଝିଅ ଖରସ୍ରୋତା ନଦୀରେ ନିଖୋଜ । ସେହିପରି ତାଳଚେରଠାରେ ବ୍ରାହ୍ମଣୀ ନଦୀରେ ବୁଡ଼ି ବାଳକ ମୃତ । | ସି-ସୋର ମୁଖ୍ୟ ପ୍ରଶାନ୍ତ ଦାଶଙ୍କୁ ହାଇକୋର୍ଟରୁ ସର୍ତ୍ତମୂଳକ ଜାମିନ । | ସୁନ୍ଦରଗଡ: ସେଲ ଅଧ୍ୟକ୍ଷଙ୍କ ରାଉରକେଲାଗସ୍ତ ସମୟରେ ବିଭିନ୍ନ ଦାବି ନେଇ ବିକ୍ଷୋଭ | ସିସୋର ଠକେଇର ମୁଖ୍ୟ ଅଭିଯୁକ୍ତ ପ୍ରଶାନ୍ତ ଦାସଙ୍କୁ ହାଇକୋର୍ଟରୁ ମିଳିଲା ଜାମିନ | ଭୁବନେଶ୍ୱର ଆଇଆଇଟିରେ ଛାତ୍ରୀଙ୍କୁ ପ୍ରଫେସରଙ୍କ ଯୌନ ନିର୍ଯ୍ୟାତନା | ମହିଳା ମାଓବାଦୀଙ୍କ ଆତ୍ମସର୍ମପଣ | କଟକ:ଏସିବିର ବାୟୋକେମିଷ୍ଟ୍ରି ଓ ଫିଜିଓଲୋଜି ବିଭାଗରେ ସଟସର୍କିଟ କାରଣରୁ ଅଗ୍ନୀକାଣ୍ଡ | ‘ଆଉଟଲୁକ’ ପକ୍ଷରୁ କରାଯାଇଥିବା ସର୍ବେକ୍ଷଣରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶ୍ରେଷ୍ଠ ପ୍ରଶାସକ ଭାବେ ବିବେଚିତ, ‘ଆଉଟଲୁକ’ ସର୍ବେକ୍ଷଣର ୬ନମ୍ବର ତାଲିକାରେ ଅଛନ୍ତି ନବୀନ ପଟ୍ଟନାୟକ | ଦିଲ୍ଲୀରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ |