ଗୋରଖପୁର ଶିଶୁ ମୃତ୍ୟୁ ସାମୁହିକ ହତ୍ୟାକାଣ୍ଡ : କୈଳାଶ ସତ୍ୟାର୍ଥୀ

ବିଗତ ତିନି ଦିନରେ ୬୩ ଲୋକଙ୍କର ମୃତ୍ୟୁ

Copy Editor | Published On: Aug 12, 2017 09:38 PM IST |   269

ୱାଶିଂଟନ : ନେବେଲ ପୁରସ୍କାର ବିଜେତା କୈଳାଶ ସତ୍ୟାର୍ଥୀ ଗୋରଖପୁରରେ ଶିଶୁ ମୃତ୍ୟୁ ଘଟଣାରେ ଗଭୀର ଦୁଃଖ ପ୍ରକାଶ କରିଛନ୍ତି  । ଏଥିପାଇଁ ସେ ଉତ୍ତର ପ୍ରଦେଶ ସରକାରଙ୍କୁ ଦାୟୀ କରିଛନ୍ତି । ଆମ ପିଲାମାନଙ୍କ ପାଇଁ  ସ୍ୱାଧୀନତାର ୭୦ ବର୍ଷର ଅର୍ଥ କ’ଣ ଏଇଆ ବୋଲି ସେ ଶନିବାର ସେ ନିଜ ଟ୍ୱିଟରରେ ପ୍ରଶ୍ନ କରିଛନ୍ତି ? ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଅନୁରୋଧ କରି ସେ ଲେଖିଛନ୍ତି ଯେ,  ମୁଖ୍ୟମନ୍ତ୍ରୀ ନିଜେ ଘଟଣାର ଅନୁଧ୍ୟାନ କରନ୍ତୁ  । ଫଳରେ ମେଡିକାଲ କ୍ଷେତ୍ରରେ ଦଶକ ଦଶକ ଧରି ଚାଲିଥିବା ଭ୍ରଷ୍ଟାଚାରର ଅନ୍ତ ହୋଇପାରିବ  । ‘ଅମ୍ଳଜାନ ଅଭାବରୁ ୩୦ ଶିଶୁଙ୍କ ମୃତ୍ୟୁ ଏକ ଦୁର୍ଘଟଣା ନୁହେଁ ବରଂ ସାମୁହିକ ହତ୍ୟାକାଣ୍ଡ ବୋଲି ଶ୍ରୀ ସତ୍ୟାର୍ଥୀ ଲେଖିଛନ୍ତି  । ସୂଚନାଯୋଗ୍ୟ ଯେ ଗୋରଖପୁରର ବାବା ରାଘବ ଦାସ ମେଡିକାଲ କଲେଜ ସ୍ଥିତ ନେହେରୁ ହସ୍ପିଟାଲରେ ବିଗତ ତିନି ଦିନରେ ୬୩ ଲୋକଙ୍କର ମୃତ୍ୟୁ ଘଟିଛି  । ସେଥିରୁ ଅଧିକାଂଶ ହେଉଛନ୍ତି ଶିଶୁ ।

ଏହି ଦୁଃଖଦ ଘଟଣାକୁ ନେଇ ବିଭିନ୍ନ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି  । କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ କହିଛନ୍ତି, ଏହି ଘଟଣା ବଡ଼ ଦୁଃଖ ଦାୟକ, ପ୍ରଶାସନର ଦାୟିତ୍ୱହୀନତା  ଓ ଜିଦ୍‌ଖେର ମନୋଭାବ ଯୋଗୁଁ ଏହି ଅଘଟଣ ଘଟିଛି  । ବହୁଜନ ସମାଜ ପାର୍ଟି ଅଧ୍ୟକ୍ଷା ମାୟାବତୀ ଏହି ଘଟଣା ପାଇଁ  ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଦାୟୀ କରି ତାଙ୍କ ଇସ୍ତଫା  ଦାବି କରିଛନ୍ତି  । ସମାଜବାଦୀ ପାର୍ଟି ଏହି ଘଟଣାର ଉଚ୍ଚସ୍ତରୀୟ ତଦନ୍ତ ଦାବି କରିଛି  । ପାର୍ଟି  ଅଧ୍ୟକ୍ଷ ଅଖିଳେଶ ଯାଦବ ଘଟଣାର  ଉଚ୍ଚସ୍ତରୀୟ ତଦନ୍ତ ଦାବି କରି କହିଛନ୍ତି, ଯୋଗୀ ସରକାର ଏଥି ପାଇଁ ଦାୟୀ ତେଣୁ ତାଙ୍କୁ ବରଖାସ୍ତ କରିବା ଦରକାର । ସୁଭାଷ ଚିଲଡ୍ରେନ ସୋସାଇଟିର ସଂପାଦକ କମଲ ତିୱାରୀ ଶିଶୁଙ୍କ ପିଲାଦିନ ଛଡାଇନେଇଥିବା ସରକାର କ୍ଷମତାରେ ରହିବାର ପାଇଁ ଯୋଗ୍ୟ ନୁହେଁ ବୋଲି କହିଛନ୍ତି  । 

Tags:

Like Us

Breaking News

ସୁୂର୍ଣ୍ଣପୁର: ଅଜଣା ଗାଡି ଧକ୍କାରେ ସପ୍ତମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ବନ୍ଦ ଡାକରା ସମୟରେ ଜଣଙ୍କୁ ମାଓବାଦୀ ହତ୍ୟା କରିଥିବା ଅଭିଯୋଗ ଅବପାତ ପ୍ରଭାବରେ ପ୍ରବଳ ବର୍ଷା ସମ୍ଭାବନା, ଆସନ୍ତା ୨୪ ଘଣ୍ଟା ଲାଗି ରହିବ ବର୍ଷାର ପ୍ରଭାବ ବାଲେଶ୍ୱର ବାଣ ବିସ୍ପୋରଣ ଘଟଣାରେ ମୃତ୍ୟୁ ସଂଖ୍ୟା ୧୨କୁ ବୃଦ୍ଧି