ଗୋରଖପୁର ଶିଶୁ ମୃତ୍ୟୁ ଘଟଣା : ମେଡିକାଲ କଲେଜ ଅଧ୍ୟକ୍ଷ ନିଲମ୍ବତ

ଅକ୍ସିଜେନ୍ ସିଲିଣ୍ଡର ଅଭାବ ଅଭିଯୋଗକୁ ଖଣ୍ଡନ

Published On: Aug 12, 2017 06:13 PM IST |   219

ଗୋରଖପୁର ଶିଶୁ  ମୃତ୍ୟୁ ଘଟଣା : ମେଡିକାଲ କଲେଜ ଅଧ୍ୟକ୍ଷ ନିଲମ୍ବତ

Copy Editor

ଗୋରଖପୁର : ଉତ୍ତର ପ୍ରଦେଶର ଗୋରଖପୁର ବାବା ରାଘବ ଦାସ ମେଡିକାଲ କଲେଜରେ ଅମ୍ଳଜାନ ଯୋଗାଣ ଅଭାବରୁ ଶିଶୁ ମୃତ୍ୟୁ ଘଟଣାରେ ମେଡିକାଲ କଲେଜ ଅଧ୍ୟକ୍ଷ ଆର.କେ ମିଶ୍ରଙ୍କୁ ସରକାର ନିଲମ୍ବିତ କରିଛନ୍ତି  । ପରିସ୍ଥିତି ଅନୁଧ୍ୟାନ କରିବା ପାଇଁ  ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୁଇଜଣ ମନ୍ତ୍ରୀଙ୍କୁ ମେଡିକାଲ କଲେଜକୁ ପଠାଇଛନ୍ତି  । ଗୋରଖପୁର ଜିଲ୍ଲା ମାଜିଷ୍ଟ୍ରେଟ୍ ଏହି ଘଟଣାର ମାଜିଷ୍ଟ୍ରେଟସ୍ତରୀୟ ତଦନ୍ତ ଆରମ୍ଭ କରିଛନ୍ତି  । ସେ ନିଜେ ଘଟଣାସ୍ଥଳରେ ରହି ପରିସ୍ଥିତି ଉପରେ ନଜର ରଖିଛନ୍ତି  । ଅନ୍ୟ ପକ୍ଷରେ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ସିଦ୍ଧାର୍ଥନାଥ ସିଂହ କହିଛନ୍ତି ଯେ, ବିଭିନ୍ନ ରୋଗ ଯୋଗୁଁ ଗତ ୭ ତାରିଖଠାରୁ ଏପର୍ଯ୍ୟନ୍ତ ୬୦ ଜଣ ଶିଶୁଙ୍କର ମୃତ୍ୟୁ ଘଟିଛି  । କିନ୍ତୁ ଅକ୍ସିଜେନ୍ ସିଲିଣ୍ଡର ଅଭାବ କାରଣରୁ କାହାର ମୃତ୍ୟୁ ଘଟି ନାହିଁ  । ମେଡିକାଲ କଲେଜରେ ଅକ୍ସିଜେନ୍ ସିଲିଣ୍ଡର ନ ଥିବା ଯୋଗୁଁ କିଛି ଶିଶୁଙ୍କ ମୃତ୍ୟୁ ଘଟଣାକୁ ନେଇ କେତେକ ସମ୍ବାଦ ଚ୍ୟାନେଲେରେ ପ୍ରସାରିତ ଖବରକୁ ଉତରପ୍ରଦେଶ ସରକାର ଖଣ୍ଡନ କରିଛନ୍ତି । ଏକ ପ୍ରେସ୍ ବିଜ୍ଞପ୍ତି ଜରିଆରେ ରାଜ୍ୟ ସରକାର ସମ୍ପୃକ୍ତ ମେଡିକାଲ କଲେଜରେ ସେଭଳି ଘଟଣା ଘଟି ନ ଥିବା ସ୍ପଷ୍ଟୀକରଣ ଦେଇଛନ୍ତି  । ଉତର ପ୍ରଦେଶ ସରକାର ଏକ କମିଟି ଗଠନ କରି ମେଡିକାଲ କଲେଜରେ ଶିଶୁ ମୃତ୍ୟୁ ଘଟଣା ନେଇ କାହାର ତ୍ରୁଟି ରହିଛି, ତାକୁ ଅନୁଧ୍ୟାନ କରୁଛନ୍ତି  । ସୂଚନାଯୋଗ୍ୟ ଯେ ଗୋରଖପୁର ଅଞ୍ଚଳରେ ଏହା ସବୁଠାରୁ ବଡ ମେଡିକାଲ କଲେଜ ତଥା ହସ୍ପିଟାଲ ।

ବିଗତ ୩୬ ରୁ ୪୮ ଘଣ୍ଟା ମଧ୍ୟରେ ୩୦ଜଣ ଶିଶୁଙ୍କର ମୃତ୍ୟୁ ହୋଇଥିବା ନେଇ ଅଭିଯୋଗ ହୋଇଥିଲା । ତରଳ ଅମ୍ଳଜାନ ଯୋଗାଣ ବାବଦ ୬୭ ଲକ୍ଷ ଟଙ୍କାର ବକେୟା ଅର୍ଥ ନ ମିଳିବାରୁ ଯୋଗାଣକାରୀ ସଂସ୍ଥା ଅମ୍ଳଜାନ ଯୋଗାଣ ବନ୍ଦ କରିଦେଇଥିବା ସୂଚନା ମିଳିଥିଲା । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିର୍ବାଚନ ମଣ୍ଡଳୀ ଗୋରଖପୁରରେ ଏଭଳି ଅଭାବନୀୟ ଘଟଣାକୁ ନେଇ ଚର୍ଚ୍ଚା ଆରମ୍ଭ ହୋଇଥିଲା  । ତେବେ  ବିଭିନ୍ନ ରୋଗ ଯୋଗୁଁ  ଶୁକ୍ରବାର ସୁଦ୍ଧା ୬୦ ଜଣ ଶିଶୁଙ୍କର ମୃତ୍ୟୁ ଘଟିଛ ଏବଂ ଅକ୍ସିଜେନ୍ ସିଲିଣ୍ଡର ଅଭାବ କାରଣରୁ କାହାର ମୃତ୍ୟୁ ଘଟି ନାହିଁ ବୋଲି ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ସ୍ପଷ୍ଟ କରାଯାଇଛି  । ଅନ୍ୟ ପକ୍ଷରେ କେନ୍ଦ୍ର ସରକାରଙ୍କ ପକ୍ଷରୁ ରାଜ୍ୟ ସରକାରଙ୍କଠାରୁ ଏ ନେଇ ରିପୋର୍ଟ ତଲବ କରାଯାଇଛି  । ବିରୋଧୀ କଂଗ୍ରେସ ଓ ବିଏସପି ପକ୍ଷରୁ ଏହି ଘଟଣାକୁ ନିନ୍ଦା କରାଯାଇଛି। ବରିଷ୍ଠ କଂଗ୍ରେସ ନେତା ଗୁଲାମ ନବୀ ଆଜାଦ ଶନିବାର ଘଟଣା ସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରିଛନ୍ତି।

Tags:

Related News

Like Us

ବିଗ୍‌ ନିଉଜ

ଏଣ୍ଟରଟେନମେଣ୍ଟ

Breaking News

ସୁନ୍ଦରଗଡ: ବୀରମିତ୍ରପୁର ଯଲଙ୍ଗବିରା ବିଦ୍ୟାଳୟର ଛାତ ମରାମତି ବେଳେ ଛାତରୁ ପଡି ଜଣେ ଶ୍ରମିକର ମୃତ୍ୟୁ ଓ ଅନ୍ୟ ଜଣେ ଆହତ । ସ୍ଥାନିୟ ଅଂଚଳରେ ଉତ୍ତେଜନା। | ଯାଜପୁର/ଅନୁଗୋଳ : ଯାଜପୁର ଜିଲ୍ଲା ବିଞ୍ଝାରପୁର ବ୍ଲକର ଜରି ଗ୍ରାମର ଦୁଇ ଝିଅ ଖରସ୍ରୋତା ନଦୀରେ ନିଖୋଜ । ସେହିପରି ତାଳଚେରଠାରେ ବ୍ରାହ୍ମଣୀ ନଦୀରେ ବୁଡ଼ି ବାଳକ ମୃତ । | ସି-ସୋର ମୁଖ୍ୟ ପ୍ରଶାନ୍ତ ଦାଶଙ୍କୁ ହାଇକୋର୍ଟରୁ ସର୍ତ୍ତମୂଳକ ଜାମିନ । | ସୁନ୍ଦରଗଡ: ସେଲ ଅଧ୍ୟକ୍ଷଙ୍କ ରାଉରକେଲାଗସ୍ତ ସମୟରେ ବିଭିନ୍ନ ଦାବି ନେଇ ବିକ୍ଷୋଭ | ସିସୋର ଠକେଇର ମୁଖ୍ୟ ଅଭିଯୁକ୍ତ ପ୍ରଶାନ୍ତ ଦାସଙ୍କୁ ହାଇକୋର୍ଟରୁ ମିଳିଲା ଜାମିନ | ଭୁବନେଶ୍ୱର ଆଇଆଇଟିରେ ଛାତ୍ରୀଙ୍କୁ ପ୍ରଫେସରଙ୍କ ଯୌନ ନିର୍ଯ୍ୟାତନା | ମହିଳା ମାଓବାଦୀଙ୍କ ଆତ୍ମସର୍ମପଣ | କଟକ:ଏସିବିର ବାୟୋକେମିଷ୍ଟ୍ରି ଓ ଫିଜିଓଲୋଜି ବିଭାଗରେ ସଟସର୍କିଟ କାରଣରୁ ଅଗ୍ନୀକାଣ୍ଡ | ‘ଆଉଟଲୁକ’ ପକ୍ଷରୁ କରାଯାଇଥିବା ସର୍ବେକ୍ଷଣରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶ୍ରେଷ୍ଠ ପ୍ରଶାସକ ଭାବେ ବିବେଚିତ, ‘ଆଉଟଲୁକ’ ସର୍ବେକ୍ଷଣର ୬ନମ୍ବର ତାଲିକାରେ ଅଛନ୍ତି ନବୀନ ପଟ୍ଟନାୟକ | ଦିଲ୍ଲୀରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ |