ଏନଡିଏରେ ଯୋଗଦେବେ ନୀତିଶ କୁମାର !

ଶାହା-ନୀତିଶ ସାକ୍ଷାତ

Copy Editor | Published On: Aug 12, 2017 05:05 PM IST | Updated On: Aug 12, 2017 07:41 AM IST |   640

ନୂଆଦିଲ୍ଲୀ : ଏନଡିଏରେ ଯୋଗଦେବେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର  । ଜେଡି(ୟୁ)ରେ ଆଭ୍ୟନ୍ତରୀଣ କନ୍ଦଳ ଲାଗିରହିଥିବା ବେଳେ ବଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଏନଡିଏରେ ଯୋଗଦେବାକୁ ନୀତିଶ କୁମାରଙ୍କୁ ଆମନ୍ତ୍ରଣ କରିଛନ୍ତି  ।  ଶୁକ୍ରବାର ଶ୍ରୀ ଶାହା ନୀତିଶ କୁମାରଙ୍କୁ ସାକ୍ଷାତ କରି ଏନଡିଏରେ ଯୋଗଦେବାକୁ ତାଙ୍କୁ ନିମନ୍ତ୍ରଣ କରିଥିଲେ  । ଦଳର ବରିଷ୍ଠ ନେତା ଶରଦ୍ ଯାଦବଙ୍କ ବିଦ୍ରୋହ ଏବଂ ତାଙ୍କୁ ରାଜ୍ୟସଭାରେ ନେତା ପଦରୁ ହଟାଯିବା ଏବଂ ବିହାରେ ଆରଜେଡି ପକ୍ଷରୁ ଲାଲୁ ଯାଦବ ଏବଂ ତାଙ୍କ ଦୁଇ ପୁଅ ତେଜପ୍ରତାପ ଓ ତେଜସ୍ୱୀ ଯାଦବଙ୍କ ନୀତିଶ ବିରୋଧୀ ଅଭିଯାନ ଜୋର ଧରିଥିବା ବେଳେ ଏନଡିଏରେ ଯୋଗ ଦେବା ତାଙ୍କ ପାଇଁ ନିରାପଦ ବୋଲି ଦଳର ନେତା ଓ କର୍ମୀମାନେ ବିବେଚନା କରୁଛନ୍ତି  । ଅନ୍ୟ ପକ୍ଷରେ ଜେଡି(ୟୁ) କେନ୍ଦ୍ର ମନ୍ତ୍ରିମଣ୍ଡଳରେ ଯୋଗଦେବ କି ବୋଲି ଏକ ପ୍ରଶ୍ନର ଉତର ଦେଇ ଜଣେ ଜେଡି(ୟୁ) ନେତା କହିଛନ୍ତି, ଏହା ସ୍ୱାଭାବିକ କଥା  । କାରଣ ଯେତେବେଳେ ଏନଡିଏ ସହିତ ମେଣ୍ଟ କରି ଜେଡି(ୟୁ) ବିହାରରେ ସରକାର ଗଠନ କରିଛି, ସେ ଦୃଷ୍ଟିରୁ କେନ୍ଦ୍ର ମନ୍ତ୍ରିମଣ୍ଡଳରେ ଯୋଗଦେବା ସ୍ୱାଭାବିକ ବୋଲି ସେ କହିଛନ୍ତି  । ସୂଚନାଯୋଗ୍ୟ ଯେ ଗତ ମାସ ୨୭ ତାରିଖରେ ନୀତିଶ କୁମାର ବିଜେପି ସହ ମେଣ୍ଟ କରି ବିହାରରେ ନୂଆ ସରକାର ଗଠନ କରିଥିଲେ  । ପୂର୍ବରୁ ମଧ୍ୟ ଜେଡି(ୟୁ),ଏନଡିଏର ସହଯୋଗୀ ଦଳ ଥିଲା  । ତେଣୁ ନୀତିଶ ଏବଂ ଜେଡି(ୟୁ)ର ଘର ବାହୁଡା ଏନଡିଏକୁ ଅଧିକ ଶକ୍ତିଶାଳୀ କରିବ  ।

Tags:

Like Us

Breaking News

ପ୍ରଥମ ଏକଦିବସୀୟ ମ୍ୟାଚରେ ନ୍ୟୁଜିଲାଣ୍ଡକୁ ୨୮୧ରନର ବିଜୟ ଲକ୍ଷ୍ୟ ଦେଲା ଭାରତ , କୋହଲିଙ୍କ ଦମଦାର ପ୍ରଦର୍ଶନ, ୧୨୧ ରନ କଲେ କୋହଲି କଟକ: ୬୦୦ ଦେଶୀ ମଦ ବୋତଲ ଉଦ୍ଧାର, ୪ ଗିରଫ ୧୭ ବର୍ଷରୁ କମ୍‌ ଫିଫା ବିଶ୍ୱକପ୍‌ ଫୁଟବଲ, ପ୍ରଥମ ଦଳ ଭାବେ ସେମିଫାଇନାଲରେ ପ୍ରବେଶ କଲା ମାଲି , କ୍ୱାର୍ଟରଫାଇନାଲରେ ମାଲି ୨-୧ରେ ଘାନାକୁ ପରାସ୍ତ କରି ସେମିଫାଇନାଲରେ ପ୍ରବେଶ କରିଛି । ଏସିଆ କପ୍‌ ହକି ଫାଇନାଲରେ ଭାରତ, ପାକିସ୍ତାନକୁ ୪-୦ ଗୋଲରେ ପରାସ୍ତ କରି ଭାରତ ଫାଇନାଲରେ ପ୍ରବେଶ କରିଛି ।