ପ୍ରିୟଙ୍କା ଚୋପ୍ରା ଏବେ ଲଗାଉଛନ୍ତି ୭୦ ହଜାର ଟଙ୍କିଆ ଆଣ୍ଟି ଏଜିଂ କ୍ରିମ

.

Published On: Aug 12, 2017 02:11 PM IST |   1716

ବଲିଉଡରେ ବରେଲୀ ଝିଅ ଭାବେ ଜଣାଯାଉଥିବା ପ୍ରିୟଙ୍କା ଚୋପ୍ରା ଆଜିକାଲି ହଲିଉଡରେ ଖୁବ୍ ବ୍ୟସ୍ତ। ୩୫ ବର୍ଷୀୟା ପ୍ରିୟଙ୍କା ନିକଟରେ ଏକ ସାକ୍ଷାତକାରରେ କହିଛନ୍ତି, ବିଶ୍ୱ ସୁନ୍ଦରୀ ମୁକୁଟ ପିନ୍ଧିବା ପରେ ତାଙ୍କ ଜୀବନଶୈଳୀ କିଛିଟା ପରିବର୍ତ୍ତିତ ହୋଇଥିଲା। ହେଲେ ବଲିଉଡରେ ପାଦ ଥାପିବା ପରେ ତାଙ୍କର ପୁନର୍ଜନ୍ମ ହେଲା। କାରଣ ତାଙ୍କ ବେଶପୋଷାକ ଠାରୁ କଥା କହିବାର ଶୈଳୀ, ଖାଦ୍ୟପେୟ ଓ ସୌନ୍ଦର୍ଯ୍ୟ ସଚେତନତା କାମରେ ମଧ୍ୟ ଅନେକ ପରିବର୍ତ୍ତନ ହୋଇଥିଲା। ବିଶ୍ୱ ରେ ଯେ କୌଣସି ପ୍ରାନ୍ତରେ ଥିଲେ ମଧ୍ୟ ପ୍ରିୟଙ୍କା ନିଜ ସାଥୀରେ ନିଜ ମିନି ବକ୍ସକୁ ସବୁବେଳେ ନେଇକରିଯାନ୍ତି। ଏଥିରେ ତାଙ୍କ ମେକଅପ୍ ଜିନିଷ ସହ ଘରୋଇ ସୌନ୍ଦର୍ଯ୍ୟ ସାମଗ୍ରୀ ରହିଛି। ଏହି ବଲିଉଡ ସୁନ୍ଦରୀ ସବୁଠୁ ଅଧିକ ନିଜ ଆଖିକୁ ନେଇ ସଚେତନ। ବିଗ୍ ବି ଅମିତାଭ ବଚ୍ଚନଙ୍କ ସହ ଏକ ଚଳଚ୍ଚିତ୍ରରେ କାମ କରୁଥିବାବେଳେ ଅମିତାଭ ତାଙ୍କୁ କହିଥିଲେ, ପ୍ରିୟଙ୍କା ୟୁ ହାଭ୍ ଟେରିଫିକ୍ ଆଇଜ୍‌। ଟେକ୍ କେୟାର୍ ଅଫ୍ ଦେମ୍। ଏହି ଘଟଣା ପରଠାରୁ ଯେପରି ପ୍ରିୟଙ୍କା ଆଖିକୁ ନେଇ ଅଧିକ ଯତ୍ନବାନ୍ ହୋଇପଡ଼ିଥିଲେ। ସେ ନିଜେ ହିଁ କହିଥିଲେ ସବୁଠୁ ଦାମୀ ଓ ନାମକରା କମ୍ପାନୀର ଆଇ ମେକଅପ୍ ସେ ଆଖିରେ ଲଗାଇଥାନ୍ତି। ୬ ବର୍ଷରୁ ଅଧିକ ସମୟ ହେଲାଣି, ପ୍ରିୟଙ୍କା ଅଷ୍ଟ୍ରେଲୀୟ କମ୍ପାନୀର ଆଣ୍ଟ-ଏଜିଙ୍ଗ ଆଇ କ୍ରିମ୍ ବ୍ୟବହାର କରୁଛନ୍ତି। ଏହି ଆଇକ୍ରିମ୍ ୫୦ ମିଲିର ମୂଲ୍ୟ ୭୦ହଜାର ଟଙ୍କା। ଏହା କେବଳ ଲଣ୍ଡନର ଗୋଟିଏ ସପିଂ ମଲରେ ଉପଲବ୍ଧ ହୋଇଥାଏ। 

 

Tags:

Like Us

Breaking News

ଧନୁ ସଂକ୍ରାନ୍ତିରେ ଶ୍ରୀମନ୍ଦିରରେ ଆରମ୍ଭ ହେଲା ପହିଲି ଭୋଗ ନୀତି କୋଇଲା ଦୁର୍ନୀତି ଅଭିଯୋଗରେ ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀଙ୍କ ସମେତ ୪ ଜଣଙ୍କୁ କାରାଦଣ୍ଡାଦେଶ ଭୁବନେଶ୍ବର: ୧୭ତମ ଫେଡେରସନ୍ କପ୍ କରାଟେ ପ୍ରତିଯୋଗୀତା ଆରମ୍ଭ ଅନୁଗୁଳ: ଖମାର ରେଞ୍ଜ ନିକଟବର୍ତ୍ତି ଅଞ୍ଚଳରେ ହାତୀ ଆକ୍ରମଣରେ ମହିଳା ମୃତ