ଫ୍ରାନ୍‌ସିସ୍‌ଙ୍କୁ ମହିଳା ୪୦୦ ମିଟର ସ୍ୱର୍ଣ୍ଣ

.

Published On: Aug 11, 2017 12:48 PM IST |   47

ଲଣ୍ଡନ:ବୁଧବାର ଚଳିତ ବିଶ୍ୱ ଚମ୍ପିଆନ୍‌ସିପ୍‌ରେ ଅନ୍ତିମ ଇଭେଣ୍ଟ ମହିଳା ୪୦୦ ମିଟର ଦୌଡ଼ ଉପରେ ସମସ୍ତଙ୍କ ନଜର ରହିଥିଲା । କାରଣ ସମସ୍ତେ ଆଶା ରଖିଥିଲେ ଯେ ରିଓ ଅଲିମ୍ପିକ୍‌ସରେ ସ୍ୱର୍ଣ୍ଣ ଜିତିଥିବା ବାହାମାଜ୍‌ର ସନ୍‌ ମିଲର-ୱିବୋ ଏବଂ ୬ଟି ଅଲିମ୍ପିକ୍‌ ଓ ୯ଟି ବିଶ୍ୱ ଚମ୍ପିଆନ୍‌ସିପ୍‌ ସ୍ୱର୍ଣ୍ଣପଦକ ଜିତିଥିବା ଆମେରିକାର ଆଲିସନ୍‌ ଫେଲିକ୍ସଙ୍କ ମଧ୍ୟରେ ସ୍ୱର୍ଣ୍ଣପଦକ ପାଇଁ ମୁକାବିଲା ହେବ । ହେଲେ ବାଜି ମାରି ନେଇଥିଲେ ଆମେରିକାର ଫାଇଲିସ୍‌ ଫ୍ରାନ୍‌ସିସ୍‌ । ମହିଳା ୪୦୦ ମିଟର ସ୍ୱର୍ଣ୍ଣପଦକ ଜିତି ଫ୍ରାନ୍‌ସିସ ସମସ୍ତଙ୍କୁ ଚକିତ କରିଛନ୍ତି । ରିଓ ଅଲିମ୍ପିକ୍‌ସରେ ଫେଲିକ୍ସଙ୍କ ସହ ମିଶି ୧୦୦ ମିଟର ରିଲେ ରେସ୍‌ରେ ସ୍ୱର୍ଣ୍ଣପଦକ ଜିତିଥିବା ଫ୍ରାନ୍‌ସିସ୍‌ ପ୍ରଥମଥର ପାଇଁ ଏକ ବ୍ୟକ୍ତିଗତ ସ୍ୱର୍ଣ୍ଣପଦକ ଜିତିଛନ୍ତି । ୨୫ ବର୍ଷ ବୟସ୍କା ଫ୍ରାନ୍‌ସିସ୍‌ ୪୯.୯୨ ସେକେଣ୍ଡରେ ରେସ୍‌ ସମାପ୍ତକରି ସ୍ୱର୍ଣ୍ଣ ଜିତିଥିଲେ । ଏହା ଫ୍ରାନ୍‌ସିସ୍‌ଙ୍କ ଜୀବନର ସର୍ବଶ୍ରେଷ୍ଠ ପ୍ରଦର୍ଶନ । ବାହାରିନ୍‌ର ସାଲ୍‌ୱା ଇଦ୍‌ ନାସେର୍‌ ୫୦.୦୬ ସେକେଣ୍ଡ ସମୟ ନେଇ ୨ୟ ସ୍ଥାନରେ ରହି ରୌପ୍ୟପଦକ ଜିତିଥିଲେ । ଆଲିସନ୍‌ ଫେଲିକ୍ସ ୫୦.୦୮ ସେକେଣ୍ଡ ସମୟ ନେଇ ବ୍ରୋଞ୍ଜ୍‌ ପଦକ ଜିତି ପାରିଥିଲେ । ସୂଚନାଯୋଗ୍ୟ, ଏହି ବ୍ରୋଞ୍ଜ୍‌ପଦକ ବିଶ୍ୱ ଚମ୍ପିଆନ୍‌ସିପ୍‌ରେ ଆଲିସନ୍‌ ଫେଲିକ୍ସଙ୍କର ୧୪ତମ ପଦକ । ଏପରି କରି ସେ ଜାମାଇକାର ମର୍ଲିନ୍‌ ଓଟ୍ଟିଙ୍କ ସହ ସମକକ୍ଷ ହୋଇ ପାରିଛନ୍ତି । ମିଲର-ୱିବୋ ୪ର୍ଥ ସ୍ଥାନରେ ରହିଥିଲେ ।

 

Tags:

Like Us

Breaking News

ପ୍ରଥମ ଏକଦିବସୀୟ ମ୍ୟାଚରେ ନ୍ୟୁଜିଲାଣ୍ଡକୁ ୨୮୧ରନର ବିଜୟ ଲକ୍ଷ୍ୟ ଦେଲା ଭାରତ , କୋହଲିଙ୍କ ଦମଦାର ପ୍ରଦର୍ଶନ, ୧୨୧ ରନ କଲେ କୋହଲି କଟକ: ୬୦୦ ଦେଶୀ ମଦ ବୋତଲ ଉଦ୍ଧାର, ୪ ଗିରଫ ୧୭ ବର୍ଷରୁ କମ୍‌ ଫିଫା ବିଶ୍ୱକପ୍‌ ଫୁଟବଲ, ପ୍ରଥମ ଦଳ ଭାବେ ସେମିଫାଇନାଲରେ ପ୍ରବେଶ କଲା ମାଲି , କ୍ୱାର୍ଟରଫାଇନାଲରେ ମାଲି ୨-୧ରେ ଘାନାକୁ ପରାସ୍ତ କରି ସେମିଫାଇନାଲରେ ପ୍ରବେଶ କରିଛି । ଏସିଆ କପ୍‌ ହକି ଫାଇନାଲରେ ଭାରତ, ପାକିସ୍ତାନକୁ ୪-୦ ଗୋଲରେ ପରାସ୍ତ କରି ଭାରତ ଫାଇନାଲରେ ପ୍ରବେଶ କରିଛି ।