ଫ୍ରାନ୍‌ସିସ୍‌ଙ୍କୁ ମହିଳା ୪୦୦ ମିଟର ସ୍ୱର୍ଣ୍ଣ

.

Published On: Aug 11, 2017 12:48 PM IST |   27

ଫ୍ରାନ୍‌ସିସ୍‌ଙ୍କୁ ମହିଳା ୪୦୦ ମିଟର ସ୍ୱର୍ଣ୍ଣ

ଲଣ୍ଡନ:ବୁଧବାର ଚଳିତ ବିଶ୍ୱ ଚମ୍ପିଆନ୍‌ସିପ୍‌ରେ ଅନ୍ତିମ ଇଭେଣ୍ଟ ମହିଳା ୪୦୦ ମିଟର ଦୌଡ଼ ଉପରେ ସମସ୍ତଙ୍କ ନଜର ରହିଥିଲା । କାରଣ ସମସ୍ତେ ଆଶା ରଖିଥିଲେ ଯେ ରିଓ ଅଲିମ୍ପିକ୍‌ସରେ ସ୍ୱର୍ଣ୍ଣ ଜିତିଥିବା ବାହାମାଜ୍‌ର ସନ୍‌ ମିଲର-ୱିବୋ ଏବଂ ୬ଟି ଅଲିମ୍ପିକ୍‌ ଓ ୯ଟି ବିଶ୍ୱ ଚମ୍ପିଆନ୍‌ସିପ୍‌ ସ୍ୱର୍ଣ୍ଣପଦକ ଜିତିଥିବା ଆମେରିକାର ଆଲିସନ୍‌ ଫେଲିକ୍ସଙ୍କ ମଧ୍ୟରେ ସ୍ୱର୍ଣ୍ଣପଦକ ପାଇଁ ମୁକାବିଲା ହେବ । ହେଲେ ବାଜି ମାରି ନେଇଥିଲେ ଆମେରିକାର ଫାଇଲିସ୍‌ ଫ୍ରାନ୍‌ସିସ୍‌ । ମହିଳା ୪୦୦ ମିଟର ସ୍ୱର୍ଣ୍ଣପଦକ ଜିତି ଫ୍ରାନ୍‌ସିସ ସମସ୍ତଙ୍କୁ ଚକିତ କରିଛନ୍ତି । ରିଓ ଅଲିମ୍ପିକ୍‌ସରେ ଫେଲିକ୍ସଙ୍କ ସହ ମିଶି ୧୦୦ ମିଟର ରିଲେ ରେସ୍‌ରେ ସ୍ୱର୍ଣ୍ଣପଦକ ଜିତିଥିବା ଫ୍ରାନ୍‌ସିସ୍‌ ପ୍ରଥମଥର ପାଇଁ ଏକ ବ୍ୟକ୍ତିଗତ ସ୍ୱର୍ଣ୍ଣପଦକ ଜିତିଛନ୍ତି । ୨୫ ବର୍ଷ ବୟସ୍କା ଫ୍ରାନ୍‌ସିସ୍‌ ୪୯.୯୨ ସେକେଣ୍ଡରେ ରେସ୍‌ ସମାପ୍ତକରି ସ୍ୱର୍ଣ୍ଣ ଜିତିଥିଲେ । ଏହା ଫ୍ରାନ୍‌ସିସ୍‌ଙ୍କ ଜୀବନର ସର୍ବଶ୍ରେଷ୍ଠ ପ୍ରଦର୍ଶନ । ବାହାରିନ୍‌ର ସାଲ୍‌ୱା ଇଦ୍‌ ନାସେର୍‌ ୫୦.୦୬ ସେକେଣ୍ଡ ସମୟ ନେଇ ୨ୟ ସ୍ଥାନରେ ରହି ରୌପ୍ୟପଦକ ଜିତିଥିଲେ । ଆଲିସନ୍‌ ଫେଲିକ୍ସ ୫୦.୦୮ ସେକେଣ୍ଡ ସମୟ ନେଇ ବ୍ରୋଞ୍ଜ୍‌ ପଦକ ଜିତି ପାରିଥିଲେ । ସୂଚନାଯୋଗ୍ୟ, ଏହି ବ୍ରୋଞ୍ଜ୍‌ପଦକ ବିଶ୍ୱ ଚମ୍ପିଆନ୍‌ସିପ୍‌ରେ ଆଲିସନ୍‌ ଫେଲିକ୍ସଙ୍କର ୧୪ତମ ପଦକ । ଏପରି କରି ସେ ଜାମାଇକାର ମର୍ଲିନ୍‌ ଓଟ୍ଟିଙ୍କ ସହ ସମକକ୍ଷ ହୋଇ ପାରିଛନ୍ତି । ମିଲର-ୱିବୋ ୪ର୍ଥ ସ୍ଥାନରେ ରହିଥିଲେ ।

 

Tags:

Related News

Like Us

ବିଗ୍‌ ନିଉଜ

ଏଣ୍ଟରଟେନମେଣ୍ଟ

Breaking News

ସୁନ୍ଦରଗଡ: ବୀରମିତ୍ରପୁର ଯଲଙ୍ଗବିରା ବିଦ୍ୟାଳୟର ଛାତ ମରାମତି ବେଳେ ଛାତରୁ ପଡି ଜଣେ ଶ୍ରମିକର ମୃତ୍ୟୁ ଓ ଅନ୍ୟ ଜଣେ ଆହତ । ସ୍ଥାନିୟ ଅଂଚଳରେ ଉତ୍ତେଜନା। | ଯାଜପୁର/ଅନୁଗୋଳ : ଯାଜପୁର ଜିଲ୍ଲା ବିଞ୍ଝାରପୁର ବ୍ଲକର ଜରି ଗ୍ରାମର ଦୁଇ ଝିଅ ଖରସ୍ରୋତା ନଦୀରେ ନିଖୋଜ । ସେହିପରି ତାଳଚେରଠାରେ ବ୍ରାହ୍ମଣୀ ନଦୀରେ ବୁଡ଼ି ବାଳକ ମୃତ । | ସି-ସୋର ମୁଖ୍ୟ ପ୍ରଶାନ୍ତ ଦାଶଙ୍କୁ ହାଇକୋର୍ଟରୁ ସର୍ତ୍ତମୂଳକ ଜାମିନ । | ସୁନ୍ଦରଗଡ: ସେଲ ଅଧ୍ୟକ୍ଷଙ୍କ ରାଉରକେଲାଗସ୍ତ ସମୟରେ ବିଭିନ୍ନ ଦାବି ନେଇ ବିକ୍ଷୋଭ | ସିସୋର ଠକେଇର ମୁଖ୍ୟ ଅଭିଯୁକ୍ତ ପ୍ରଶାନ୍ତ ଦାସଙ୍କୁ ହାଇକୋର୍ଟରୁ ମିଳିଲା ଜାମିନ | ଭୁବନେଶ୍ୱର ଆଇଆଇଟିରେ ଛାତ୍ରୀଙ୍କୁ ପ୍ରଫେସରଙ୍କ ଯୌନ ନିର୍ଯ୍ୟାତନା | ମହିଳା ମାଓବାଦୀଙ୍କ ଆତ୍ମସର୍ମପଣ | କଟକ:ଏସିବିର ବାୟୋକେମିଷ୍ଟ୍ରି ଓ ଫିଜିଓଲୋଜି ବିଭାଗରେ ସଟସର୍କିଟ କାରଣରୁ ଅଗ୍ନୀକାଣ୍ଡ | ‘ଆଉଟଲୁକ’ ପକ୍ଷରୁ କରାଯାଇଥିବା ସର୍ବେକ୍ଷଣରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶ୍ରେଷ୍ଠ ପ୍ରଶାସକ ଭାବେ ବିବେଚିତ, ‘ଆଉଟଲୁକ’ ସର୍ବେକ୍ଷଣର ୬ନମ୍ବର ତାଲିକାରେ ଅଛନ୍ତି ନବୀନ ପଟ୍ଟନାୟକ | ଦିଲ୍ଲୀରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ |