ଜଷ୍ଟିସ୍‌ ଶତ୍ରୁଘ୍ନ ପୂଜାହାରୀଙ୍କ ମାଡ୍ରାସ ହାଇକୋର୍ଟକୁ ବଦଳି

ଜଷ୍ଟିସ୍‌ ଶତ୍ରୁଘ୍ନ ପୂଜାହାରୀଙ୍କ ମାଡ୍ରାସ ହାଇକୋର୍ଟକୁ ବଦଳି

Copy Editor RKD | Published On: Nov 15, 2017 12:24 AM IST |   235

କଟକ/ନୂଆଦିଲ୍ଲୀ : ଓଡ଼ିଶା ହାଇକୋର୍ଟର ବିଚାରପତି ଶତ୍ରୁଘ୍ନ ପୂଜାହାରୀଙ୍କୁ ମାଡ୍ରାସ ହାଇକୋର୍ଟକୁ ବଦଳି କରାଯାଇଛି । ଜଷ୍ଟିସ୍‌ ଶ୍ରୀ ପୂଜାହାରୀଙ୍କ ସମେତ ମେଘାଳୟ ଓ ଦିଲ୍ଲୀ ହାଇକୋର୍ଟର ଆଉ ଦୁଇ ବିଚାରପତିଙ୍କର ମଧ୍ୟ ବଦଳି ହୋଇଛି । ସୁପ୍ରିମକୋର୍ଟ ପ୍ରଧାନବିଚାରପତିଙ୍କ ସହ ରାଷ୍ଟ୍ରପତିଙ୍କ ବିଚାର ବିମର୍ଶ ପରେ ଏହି ତିନି ବିଚାରପତିଙ୍କ ବଦଳି କରାଯାଇଛି । ମଙ୍ଗଳବାର ଏନେଇ କେନ୍ଦ୍ର ସରକାରଙ୍କ ଆଇନ ଓ ନ୍ୟାୟ ମନ୍ତ୍ରଣାଳୟ ତରଫରୁ ବିଜ୍ଞପ୍ତି ପ୍ରକାଶ ପାଇଛି । ମେଘାଳୟ ହାଇକୋର୍ଟର ବିଚାରପତି ବେଦପ୍ରକାଶ ବୈଶ୍ୟଙ୍କୁ ଆହ୍ଲାବାଦ ହାଇକୋର୍ଟକୁ ବଦଳି କରାଯାଇଥିବାବେଳେ ଦିଲ୍ଲୀ ହାଇକୋର୍ଟର ବିଚାରପତି ଆଶୁତୋଷ କୁମାରଙ୍କୁ ପାଟନା ହାଇକୋର୍ଟକୁ ବଦଳି କରାଯାଇଛି । ସମସ୍ତଙ୍କୁ ଚଳିତମାସ ୨୮ ତାରିଖ ସୁଦ୍ଧା ନିଜ ନିଜ ସ୍ଥାନରେ କାର୍ଯ୍ୟରେ ଯୋଗଦେବାକୁ କେନ୍ଦ୍ର ଆଇନ ମନ୍ତ୍ରଣାଳୟ ପକ୍ଷରୁ ନିର୍ଦେଶ ଦିଆଯାଇଛି । ସୂଚନାଯୋଗ୍ୟ, ଜଷ୍ଟିସ୍‌ ପୂଜାହାରୀ ୧୯୮୬ ମସିହାରେ ଲାଲା ଲଜ୍‌ପତ ରାୟ ଆଇନ କଲେଜରୁ ଡିଗ୍ରୀ ହାସଲ କରିବା ପରେ ପରବର୍ଷ (୧୯୮୭) ଓଡ଼ିଶା ହାଇକୋର୍ଟ ବାର୍‌ ଆସୋସିଏସନ୍‌ରେ ଓକିଲାତି ଆରମ୍ଭ କରିଥିଲେ । ୨୦୦୩ ମସିହାରେ ବ୍ରହ୍ମପୁରଠାରେ ଦ୍ୱିତୀୟ ଅତିରିକ୍ତ ଜିଲା ଓ ଦୌରାଜଜ୍‌ ରୂପେ ଯୋଗ ଦେଇଥିଲେ । ଏହି ପଦରେ ଥାଇ ସେ ଜୟପୁର, ପୁରୀ ଓ କଟକରେ ମଧ୍ୟ କାର୍ଯ୍ୟ କରିଥିଲେ । ଓଡ଼ିଶା ସେଲ୍‌ ଟାକ୍ସ ଟ୍ରାଇବୁନାଲର ଅଧ୍ୟକ୍ଷ, କଟକ ଲିଗାଲ ସର୍ଭିସ୍‌ ଅଥରିଟିର ସଦସ୍ୟ ସଚିବ ଏବଂ ଓଡ଼ିଶା ସରକାରଙ୍କ ଆଇନ ବିଭାଗର ପ୍ରମୁଖ ସଚିବ ଭାବେ କାର୍ଯ୍ୟକରି ୨୯ ନଭେମ୍ବର ୨୦୧୩ରୁ ଓଡ଼ିଶା ହାଇକୋର୍ଟର ଅତିରିକ୍ତ ବିଚାରପତି ରୂପେ ପଦୋନ୍ନତି ପାଇଥିଲେ ।
Tags:

Like Us

Breaking News

ପୁରୀ ରେଳ ଷ୍ଟେସନରେ ପୁରୀ-ତିରୁପତି ରେଳଗାଡିରେ ଗ୍ୟାସ ସିଲିଣ୍ଡର ବିସ୍ପୋରଣ, ବିସ୍ପୋରଣରେ ଗୋଟିଏ ବଗି କ୍ଷତି ଗସ୍ତ ସେଞ୍ଚୁରିଅନ୍‌ : ସେଞ୍ଚୁରିଅନ୍‌ ଟେଷ୍ଟରେ ଭାରତ ପରାସ୍ତ, ୧୩୫ ରନ୍‌ରେ ୨ୟ ଟେଷ୍ଟ ଜିତିବା ସହିତ ଦକ୍ଷିଣ ଆଫ୍ରିକା ୨-୦ରେ ସିରିଜ ବିଜୟୀ ସୁନ୍ଦରଗଡ଼ : ତଲସରା ଥାନା ଅଧୀନ ଅନ୍ତର୍ଗତ ମୁଖ୍ୟ ରାସ୍ତା ପେଟ୍ରୋଲ ପମ୍ପ ନିକଟରେ ଅଜଣା ଗାଡ଼ି ଧକ୍କାରେ ଦୁଇ ମୃତ । ସେଞ୍ଚୁରିଅନ୍‌ : ୨ୟ ଟେଷ୍ଟରେ ଦକ୍ଷିଣ ଆଫ୍ରିକା ପକ୍ଷରୁ ଭାରତ ପାଇଁ ବିଜୟ ନିମନ୍ତେ ଧାର୍ଯ୍ୟ ଲକ୍ଷ ୨୮୭ ରନ୍ ର ପିଛା କରି ଭାରତ ୨୬/୩, ମୁରଲୀ ବିଜୟ, କେ.ଏଲ ରାହୁଲ ଏବଂ କୋହଲି ଆଉଟ ।