‘ପଦ୍ମାବତୀ’କୁ ବିରୋଧ ; କୋଟାରେ ସିନେମା ହଲ୍‌ରେ ଭଙ୍ଗାରୁଜା

‘ପଦ୍ମାବତୀ’କୁ ବିରୋଧ ; କୋଟାରେ ସିନେମା ହଲ୍‌ରେ ଭଙ୍ଗାରୁଜା

Copy Editor RKD | Published On: Nov 14, 2017 10:47 PM IST |   133

ଜୟପୁର : ସଞ୍ଜୟ ଲୀଲା ବଂଶାଲୀଙ୍କ ନିର୍ଦେଶିତ ଚଳଚ୍ଚିତ୍ର ‘ପଦ୍ମାବତୀ’କୁ ନେଇ ଲାଗି ରହିଥିବା ବିଦ୍ରୋହ ଏବେ ହିଂସାର ରୂପ ନେଇଛି । ମଙ୍ଗଳବାର କର୍ଣ୍ଣି ସେନାର ସଦସ୍ୟମାନେ ‘ପଦ୍ମାବତୀ’ର ଟ୍ରେଲର ପ୍ରଦର୍ଶନ ହେଉଥିବା ରାଜସ୍ଥାନର କୋଟାର ଏକ ସିନେମା ହଲ୍‌ରେ ଭଙ୍ଗାରୁଜା କରିଛନ୍ତି । ରିପୋର୍ଟ ଅନୁଯାୟୀ କୋଟାର ଆକାଶ ସିନେମା ହଲ୍‌ର କାଉଣ୍ଟର ଓ ଝରକାର କାଚକୁ ବିକ୍ଷୋଭକାରୀମାନେ ଭାଙ୍ଗି ଦେଇଛନ୍ତି । ପୁଲିସ ଏହି ଘଟଣାରେ ୮ଜଣଙ୍କୁ ଗିରଫ କରିଛି । ପଦ୍ମାବତୀ ଚଳଚ୍ଚିତ ସୁଟିଂ ସମୟରେ ମଧ୍ୟ କର୍ଣ୍ଣି ସେନାର ସଦସ୍ୟମାନେ ସୁଟିଂ ସେଟ୍‌ରେ ଭଙ୍ଗାରୁଜା କରିଥିଲେ । ରାଜପୁତ କର୍ଣ୍ଣି ସେନା ଅଭିଯୋଗ କରିଛି ଯେ ଚଳଚ୍ଚିତ୍ରରେ ପଦ୍ମାବତୀଙ୍କ ଚରିତ୍ରକୁ ଭୁଲ୍‌ ଭାବେ ଚିତ୍ରଣ କରାଯାଇଛି । ଏହା ରାଜପୁତ ସମ୍ପ୍ରଦାୟଙ୍କ ପ୍ରତି ଏକ ଅପମାନ । ଏହା ଧାର୍ମିକ ଭାବାବେଗକୁ ମଧ୍ୟ ଆଘାତ ଦେଉଛି । ଅନ୍ୟପଟେ ବିଶ୍ୱ ହିନ୍ଦୁ ପରିଷଦ ନେତା ଆଚାର୍ଯ୍ୟ ଧର୍ମେନ୍ଦ୍ର ମଧ୍ୟ ଏହି ଚଳଚ୍ଚିତ୍ରକୁ ବିରୋଧ କରିବା ସହ କର୍ଣ୍ଣି ସେନା ସପକ୍ଷରେ ମତ ଦେଇଛନ୍ତି । ସେ କହିଛନ୍ତି ଯେ ବିବାଦୀୟ ଚଳଚ୍ଚିତ୍ର ପ୍ରସ୍ତୁତ କରିଥିବା ନିର୍ଦେଶକ ସଞ୍ଜୟଙ୍କ ବିରୋଧରେ ମାମଲା ରୁଜୁ ହେବା ଦରକାର । ଏହି ଚଳଚ୍ଚିତ୍ରରେ ଦୀପିକା ପାଦୁକୋନ ରାଣୀ ପଦ୍ମାବତୀଙ୍କ ଭୂମିକାରେ ଓ ରଣବୀର ସିଂହ ଆଲ୍ଲାଉଦ୍ଦିନ ଖିଲିଜ୍‌ ଭୂମିକାରେ ଅଭିନୟ କରିଛନ୍ତି ।
Tags:

Like Us

Breaking News

ପୁରୀ ରେଳ ଷ୍ଟେସନରେ ପୁରୀ-ତିରୁପତି ରେଳଗାଡିରେ ଗ୍ୟାସ ସିଲିଣ୍ଡର ବିସ୍ପୋରଣ, ବିସ୍ପୋରଣରେ ଗୋଟିଏ ବଗି କ୍ଷତି ଗସ୍ତ ସେଞ୍ଚୁରିଅନ୍‌ : ସେଞ୍ଚୁରିଅନ୍‌ ଟେଷ୍ଟରେ ଭାରତ ପରାସ୍ତ, ୧୩୫ ରନ୍‌ରେ ୨ୟ ଟେଷ୍ଟ ଜିତିବା ସହିତ ଦକ୍ଷିଣ ଆଫ୍ରିକା ୨-୦ରେ ସିରିଜ ବିଜୟୀ ସୁନ୍ଦରଗଡ଼ : ତଲସରା ଥାନା ଅଧୀନ ଅନ୍ତର୍ଗତ ମୁଖ୍ୟ ରାସ୍ତା ପେଟ୍ରୋଲ ପମ୍ପ ନିକଟରେ ଅଜଣା ଗାଡ଼ି ଧକ୍କାରେ ଦୁଇ ମୃତ । ସେଞ୍ଚୁରିଅନ୍‌ : ୨ୟ ଟେଷ୍ଟରେ ଦକ୍ଷିଣ ଆଫ୍ରିକା ପକ୍ଷରୁ ଭାରତ ପାଇଁ ବିଜୟ ନିମନ୍ତେ ଧାର୍ଯ୍ୟ ଲକ୍ଷ ୨୮୭ ରନ୍ ର ପିଛା କରି ଭାରତ ୨୬/୩, ମୁରଲୀ ବିଜୟ, କେ.ଏଲ ରାହୁଲ ଏବଂ କୋହଲି ଆଉଟ ।