ଛୋଟ ଫଳ, ବଡ ଫାଇଦା

.

Published On: Nov 10, 2017 04:30 PM IST | Updated On: Nov 10, 2017 04:33 PM IST |   1798

 

ଅଁଳାରେ କ୍ୟାଲସିୟମ, ଫସ୍ପରସ୍, ଆୟରନ୍ ଏବଂ ଭିଟାମିନ୍-ବି ଭରପୁର ମାତ୍ରାରେ ରହିଥାଏ । ଆୟୁର୍ବେଦ ଔଷଧ ପ୍ରସ୍ତୁତ କରିବାରେ ଅଁଳାର ବିଶେଷ ମହତ୍ତ୍ଵ ରହିଛି । ସବୁଦିନ ଅଁଳା ଖାଇଲେ ବିଭିନ୍ନ ରୋଗରୁ ଉପାଶମ ମିଳିଥାଏ । ତେଣୁ ପ୍ରତିଦିନ ଭୋଜନ ତାଲିକାରେ ଅଁଳାକୁ ସାମିଲ କରନ୍ତୁ ।

 

୧. ପ୍ରତିଦିନ ସକାଳେ ଖାଲି ପେଟରେ ଅଁଳାକୁ ଖାଆନ୍ତୁ ।

୨. ଯଦି ଆପଣ ଖଟା ଖାଇବାକୁ ପସନ୍ଦ କରନ୍ତି ନାହିଁ, ତେବେ ଅଳ୍ପ ଲୁଣ ଦେଇ ଗରମ ପାଣିରେ ଅଁଳାକୁ ଫୁଟେଇ ଦିଅନ୍ତୁ। ଖଟା ପଣ ଦୂର ହେବା ସହ ଖାଇବା ସହଜ ହୋଇଥାଏ ।


୩. ଆପଣ ଚାହିଁଲେ ଅଁଳାକୁ ରାନ୍ଧିକି ଖାଇ ପାରିବେ । ଚିନି ବଦଳରେ ଗୁଡର ବ୍ୟବହାର କରି ଅଁଳାକୁ ରାନ୍ଧି ଖାଆନ୍ତୁ ।


୪. ଅଁଳାକୁ କାଟି ସେଥିରେ ଲୁଣ ଦେଇ ଖରାରେ ଶୁଖେଇ ଦିଅନ୍ତୁ, ପରେ ଏହାକୁ ଖାଆନ୍ତୁ ।


୫. ସକାଳେ ଅଁଳା ରସ ପିଇବା ଶରୀର ପାଇଁ ଲାଭକାରୀ ହୋଇଥାଏ ।


୬. ଅଁଳାରେ ଚଟଣୀ ପ୍ରସ୍ତୁତ କରି ଖାଇ ପାରିବେ ।


ଅଁଳା ଖାଇବାର ସୁଫଳ


୧. ଖାଲି ପେଟରେ ଏକ ଚାମଚ ଅଁଳା ରସ ସହ ମହୁ ମିଶାଇ ପିଇଲେ ଥଣ୍ଡା କାଶରୁ ଆରମ ମିଳେ ।

୨. ତିନି ଚାମଚ ଅଁଳା ରସ ସହ ପାଣି ମିଶାଇ କୁଳି କଲେ ମୁଖ ଜନିତ ରୋଗ ଦୂର ହୋଇଥାଏ ।


୩. ଅଁଳାରେ ଭରପୁର ମାତ୍ରାରେ ଫାଇବର ରହିଥାଏ । ପ୍ରତିଦିନ ନଖ ଉଷୁମ ପାଣିରେ ଅଁଳା ରସ ପିଇଲେ କୋଷ୍ଠକାଠିନ୍ୟରୁ ଉପଶମ ମିଳେ ।


୪. କେଶ ମଜଭୁତ ହେବା ସହ ଶୀଘ୍ର ପାଚି ନ ଥାଏ।


୫. ନିୟମିତ ଅଁଳା ରସ ସେବନ କରିବା ଆଖି ପାଇଁ ଲାଭଦାୟକ ହୋଇଥାଏ।


୬. ଅଁଳା ଦ୍ବାରା ମଧୁମେହ ରୋଗ ନିୟନ୍ତ୍ରଣ ରହିବା ସହ ରୋଗ ପ୍ରତିରୋଧକ ଶକ୍ତି ବୃଦ୍ଧି ହୋଇଥାଏ । ଏହିପରି ଅନେକ ରୋଗରୁ ମୁକ୍ତି ମିଳେ ।

Tags:

Like Us

Breaking News

ପୁରୀ: ଫେସବୁକରେ ଭିଡିଓ ଅପଲୋଡ୍ କରି ଯୁବକଙ୍କ ଆତ୍ମହତ୍ୟା ଘଟଣାରେ, ପତ୍ନୀ ଓ ପ୍ରେମିକ ଗିରଫ ଭୁବନେଶ୍ୱରରେ ଗୁଳିମାଡ ; ଖଣ୍ଡଗିରିର ଏକ ଘରୋଇ ହସ୍ପିଟାଲ କର୍ମଚାରୀଙ୍କୁ ଗୁଳିମାଡ କରି ୫ ଦୁର୍ବୃତ୍ତ ଫେରାର । ଡି-ବ୍ରଦର୍ସଙ୍କ ଡିସଚାର୍ଜ ପିଟିସନ ଏସଡିଜେଏମଙ୍କ କୋର୍ଟରେ ଖାରଜ । ୩ଟି ମାମଲାରେ ଦୋଷମୁକ୍ତ କରିବାକୁ ଆବେଦନ କରିଥିଲେ । ଯୁବତୀଙ୍କ ଭିଡିଓ ଭାଇରାଲ ହେବା ଘଟଣାରେ ୨ ଅଭିଯୁକ୍ତ ଗିରଫ; ଅନ୍ୟ ଜଣେ ଫେରାର