ରେକର୍ଡ ଅଭିମୁଖେ ‘ଗୋଲମାଲ ଏଗେନ୍‌’ ଓ ’ ସିକ୍ରେଟ୍‌ ସୁପରଷ୍ଟାର’

ରେକର୍ଡ ଅଭିମୁଖେ ‘ଗୋଲମାଲ ଏଗେନ୍‌’ ଓ ’ ସିକ୍ରେଟ୍‌ ସୁପରଷ୍ଟାର’

Copy Editor AH | Published On: Oct 23, 2017 06:01 AM IST |   2280

ମୁମ୍ବଇ : ଦୀପାବଳି ଅବସରରେ ରିଲିଜ ହୋଇଥିବା ଦୁଇ ଦୁଇଟି ଫିଲ୍ମ ଅଜୟ ଦେବଗନ୍‌ଙ୍କ ‘ଗୋଲମାଲ ଏଗେନ୍‌’ ଓ ଅମିର ଖାନଙ୍କ ‘ସିକ୍ରେଟ୍‌ ସୁପରଷ୍ଟାର’ ବକ୍ସ ଅଫିସରେ ଭଲ ଆୟ କରୁଥିବା ଦେଖିବାକୁ ମିଳୁଛି । ସମ୍ପୂର୍ଣ୍ଣ ମନୋରଂଜନ ଧର୍ମୀ ଫିଲ୍ମ ‘ଗୋଲମାଲ୍‌ ଏଗେନ’ ଆୟ ଦୃଷ୍ଟିରୁ ଚଳିତ ବର୍ଷର ସବୁଠାରୁ ଭଲ ଫିଲ୍ମ ସାବ୍ୟସ୍ତ ହୋଇଥିବା ବେଳେ ସିକ୍ରେଟ୍‌ ସୁପରଷ୍ଟାର ୩ ଦିନରେ ୨୪କୋଟି ଆୟ କରିଛି । ଲୋକପ୍ରିୟ ନିର୍ଦ୍ଦେଶକ ରୋହିତ ସେଟ୍ଟୀ ‘ଗୋଲମାଲ୍‌ ଏଗେନ୍‌’ ବକ୍ସ ଅଫିସରେ ହିଟ୍ ହୋଇଥିବାରୁ ସେ ବେଶ ଖୁସି। ‘ଗୋଲମାଲ୍‌ ଏଗେନ୍‌’ରେ ଅଜୟ ଦେବଗନ୍‌,ତବୁ ,ପରିଣୀତି ଚୋପ୍ରା ,ଅରସାଦ୍‌ ଓ୍ଵାରସୀ ,ତୁଷାର କପୁର ଏବଂ ଶ୍ରେୟସ ତଲପଡ଼େ ପ୍ରମୁଖ ଅଭିନୟ କରିଛନ୍ତି। ଫିଲ୍ମ ସଂପର୍କରେ ରୋହିତ କହିଛନ୍ତି ଯେ ଦିନେ ଲେଖକ-ନିର୍ଦ୍ଦେଶକ ନୀରଜ ଭୋରା ତାଙ୍କୁ ଏହି ସିନେମାର ସ୍କ୍ରିପ୍ଟ ଶୁଣାଇଥିଲେ। ଏସଂପର୍କରେ ସେ ତାଙ୍କର ଘନିଷ୍ଠ ବନ୍ଧୁ ଅଜୟ ଦେବଗନ୍‌ଙ୍କୁ କହିଲେ। ଅଜୟ ଆଗେଇବାକୁ କହିଲେ ଏବଂ ଗୋଲମାଲ୍‌ ସିରିଜର ପ୍ରଥମ ସିନେମାର କାମ ଆରମ୍ଭ ହୋଇଥିଲା। ଅନ୍ୟ ପକ୍ଷରେ ସିକ୍ରେଟ୍‌ ସୁପରଷ୍ଟାରକୁ ଦର୍ଶକ ବେଶ ପସନ୍ଦ କରୁଥିବା ବେଳେ ଫିଲ୍ମ କ୍ରିଟିକ୍ସ ମଧ୍ୟ ଏହାର ପ୍ରଶଂସା କରୁଛନ୍ତି । ପ୍ରଥମ ଦିନରେ ଏହି ଫିଲ୍ମ ମାତ୍ର ୪ କୋଟି ଆୟ କରିଥିବା ବେଳେ ଧିରେ ଧିରେ ଏହାର ଆୟ ବୃଦ୍ଧି ପାଇଛି। ତେଣୁ ଅଧିକ ସମୟ ଧରି ଏହା ଆହୁରି ଅଧିକ ଆୟ କରିବ ବୋଲି ଆଶା କରାଯାଉଛି।
Tags:

Like Us

Breaking News

ପୁରୀ ରେଳ ଷ୍ଟେସନରେ ପୁରୀ-ତିରୁପତି ରେଳଗାଡିରେ ଗ୍ୟାସ ସିଲିଣ୍ଡର ବିସ୍ପୋରଣ, ବିସ୍ପୋରଣରେ ଗୋଟିଏ ବଗି କ୍ଷତି ଗସ୍ତ ସେଞ୍ଚୁରିଅନ୍‌ : ସେଞ୍ଚୁରିଅନ୍‌ ଟେଷ୍ଟରେ ଭାରତ ପରାସ୍ତ, ୧୩୫ ରନ୍‌ରେ ୨ୟ ଟେଷ୍ଟ ଜିତିବା ସହିତ ଦକ୍ଷିଣ ଆଫ୍ରିକା ୨-୦ରେ ସିରିଜ ବିଜୟୀ ସୁନ୍ଦରଗଡ଼ : ତଲସରା ଥାନା ଅଧୀନ ଅନ୍ତର୍ଗତ ମୁଖ୍ୟ ରାସ୍ତା ପେଟ୍ରୋଲ ପମ୍ପ ନିକଟରେ ଅଜଣା ଗାଡ଼ି ଧକ୍କାରେ ଦୁଇ ମୃତ । ସେଞ୍ଚୁରିଅନ୍‌ : ୨ୟ ଟେଷ୍ଟରେ ଦକ୍ଷିଣ ଆଫ୍ରିକା ପକ୍ଷରୁ ଭାରତ ପାଇଁ ବିଜୟ ନିମନ୍ତେ ଧାର୍ଯ୍ୟ ଲକ୍ଷ ୨୮୭ ରନ୍ ର ପିଛା କରି ଭାରତ ୨୬/୩, ମୁରଲୀ ବିଜୟ, କେ.ଏଲ ରାହୁଲ ଏବଂ କୋହଲି ଆଉଟ ।