ଯୌତୁକ ଉତ୍ପୀଡନ ଧାରା ‘୪୯୮-ଏ’ ପୁନର୍ବିଚାର ହେବା ଆବଶ୍ୟକ : ସୁପ୍ରିମକୋର୍ଟ

ଯୌତୁକ ଉତ୍ପୀଡନ ଧାରା ‘୪୯୮-ଏ’ ପୁନର୍ବିଚାର ହେବା ଆବଶ୍ୟକ : ସୁପ୍ରିମକୋର୍ଟ

| Published On: Oct 13, 2017 08:02 PM IST |   177

ନୂଆଦିଲ୍ଲୀ : ଦେଶରେ ଯୌତୁକ ଉତ୍ପୀଡନ ରୋକିବାକୁ ଅନେକ ଆଇନ ରହିଥିଲେ ମଧ୍ୟ ତାକୁ ସମ୍ପୂର୍ଣ୍ଣ ଭାବେ ନିୟନ୍ତ୍ରଣ କରିବା ସମ୍ଭବପର ହୋଇପାରିନି । ଏଥିପାଇଁ ଅନେକ ଆଇନ ଏବଂ ଧାରା ରହିଥିଲେ ମଧ୍ୟ ତାର ଦୁରୂପଯୋଗ ହେଉଥିବା ନେଇ ମଧ୍ୟ ଅନେକ ଅଭିଯୋଗ ରହିଛି । ଯୌତୁକ ଉତ୍ପୀଡନ ପାଇଁ ଥିବା ୪୯୮-ଏ ଧାରାକୁ ନେଇ ଏହାର ଅନେକ ଦୁରୂପଯୋଗ ହେଉଥିବା ନେଇ ଅଭିଯୋଗ ହୋଇଆସୁଛି । ତେଣୁ ଏହି ଧାରା ଏବଂ ଏହାର ବିଭିନ୍ନ ଦିଗକୁ ପୁଣି ଥରେ ବିଚାର କରିବାର ଆବଶ୍ୟକତା ରହିଛି ବୋଲି ସୁପ୍ରିମକୋର୍ଟ କହିଛନ୍ତି । ଏହି ଧାରା ମୁତାବକ ପୀଡିତାଙ୍କ ସ୍ୱାମୀ ଏବଂ ଅନ୍ୟ ପରିଜନଙ୍କୁ ତୁରନ୍ତ ଗିରଫ କରାଯିବାର ନିୟମ ରହିଛି । ସୁପ୍ରିମକୋର୍ଟ ମୁଖ୍ୟ ବିଚାରପତି ଜଷ୍ଟିସ ଦୀପକ ମିଶ୍ର କହିଛନ୍ତି ଅଦାଲତ ଏଭଳି ନିର୍ଦେଶ ସହ ସହମତ ନୁହନ୍ତି । ଅଦାଲତ ନିୟମକାନୁନ ପ୍ରସ୍ତୁତ କରନ୍ତି ନାହିଁ ବରଂ ତାର ସୁରକ୍ଷା ଓ କାର୍ଯ୍ୟକାରିତା ଓ ପ୍ରଣୟନ ଦିଗରେ କାର୍ଯ୍ୟ କରନ୍ତି ବୋଲି ସେ କହିଛନ୍ତି । ଏହାଛଡା ସୁପ୍ରିମକୋର୍ଟ ଏହି ପ୍ରସଙ୍ଗରେ କେନ୍ଦ୍ର ସରକାର ଏବଂ ରାଷ୍ଟ୍ରୀୟ ମହିଳା ଆୟୋଗକୁ ନୋଟିସ ଜାରି କରିବା ସହ ୪ ସପ୍ତାହ ମଧ୍ୟରେ ଏହାର ଉତ୍ତର ଉପସ୍ଥାପନ କରିବାକୁ କହିଛନ୍ତି । ସୂଚନାଯୋଗ୍ୟ,ବାରତୀୟ ଦଣ୍ଡ ସଂହିତା ଧାରା ୪୯୮-ଏ ଦୁରୂପଯୋଗ ପ୍ରସଙ୍ଗରେ ସୁପ୍ରିମକୋର୍ଟ ଗତ ଜୁଲାଇରେ ଏକ ନିର୍ଦେଶନାମା ଜାରି କରିଥିଲେ । ଏହାସହ ପ୍ରତି ଜିଲ୍ଲାରେ ପରିବାର କଲ୍ୟାଣ ସମିତି ଗଠନ କରିବାକୁ ସୁପ୍ରିମକୋର୍ଟ ନିର୍ଦେଶ ଦେଇଥିଲେ । କୌଣସି ଯୌତୁକ ଉତ୍ପୀଡନ ମାମଲାରେ ସମିତି ରିପୋର୍ଟ ନଆସିବା ପର୍ଯ୍ୟନ୍ତ ପୁଲିସ କାହାକୁ ଗିରଫ କରିପାରିବ ନାହିଁ ବୋଲି କୋର୍ଟ କହିଛନ୍ତି । ଏହାଛଡା ଏହି କାମରେ ସ୍ଥାନୀୟ ନାଗରିକ ସଂଗଠନକୁ ସାମିଲ କରିବାକୁ ସୁପ୍ରିମକୋର୍ଟ ନିର୍ଦେଶ ଦେଇଥିଲେ । ଏହି ସମିତିରେ ତିନି ଜଣ ସଦସ୍ୟ ରହିବା ଆବଶ୍ୟକ ଏବଂ ଜିଲ୍ଲା ମୁଖ୍ୟ ବିଚାରପତିଙ୍କ ଦ୍ୱାରା ଏହାର ସମୀକ୍ଷା ହେବା ମଧ୍ୟ ଆବଶ୍ୟକ । ଏହାଛଡା ସମିତିରେ ଆଇନ ବିଶାରଦ,ସମାଜସେବୀ,ଅବସରପ୍ରାପ୍ତ ଅଧିକାରୀ ଏବଂ ସେମାନଙ୍କ ପତ୍ନୀଙ୍କୁ ସଦସ୍ୟ ଭାବରେ ଗ୍ରହଣ କରାଯାଇ ପାରିବ ଏବଂ ସେମାନଙ୍କୁ ସାକ୍ଷୀ ଭାବରେ ଉପସ୍ଥାପନ କରାଯାଇ ପାରିବ ନାହିଁ ବୋଲି ସୁପ୍ରିମକୋର୍ଟ ତାଙ୍କ ନିର୍ଦେଶରେ କହିଥିଲେ । ଧାରା ୪୯୮-ଏ ମୁତାବକ ପୁଲିସ କିମ୍ବା ଅଦାଲତକୁ ପହଞ୍ଚୁଥିବା ଅଭିଯୋଗକୁ ସମିତି ପାଖକୁ ପଠାଇ ଦିଆଯିବ । ଏକ ମାସ ମଧ୍ୟରେ ସମିତି ଯାଞ୍ଚ ରିପୋର୍ଟ ଦାଖଲ କରିବେ ଏବଂ ସେତେ ଦିନ ପର୍ଯ୍ୟନ୍ତ କୌଣସି ଅଭିଯୁକ୍ତକୁ ଗିରଫ କରାଯାଇପାରିବ ନାହିଁ । ରିପୋର୍ଟ ଆସିବା ପରେ ତାକୁ ଯାଞ୍ଚ ଅଧିକାରୀ କିମ୍ବା ବିଚାରପତି ତର୍ଜମା କରିବାକୁ ସୁପ୍ରିମକୋର୍ଟ ନିର୍ଦେଶ ଦେଇଛନ୍ତି ।
Tags:

Like Us

Breaking News

ତୃତୀୟ ଦିନିକିଆରେ ଶ୍ରୀଲଙ୍କାକୁ ୮ ୱିକେଟରେ ପରାସ୍ତ କରିବା ସହିତ ଭାରତ ୨-୧ରେ ଦିନିକିଆ ସିରିଜ ବିଜୟୀ । ବିଶାଖାପାଟଣା ଦିନିକିଆରେ ଭାରତକୁ ୨୧୬ ରନ୍‌ ଟାର୍ଗେଟ ଦେଲା ଶ୍ରୀଲଙ୍କା କଟକ: ଟିକେଟ୍ ବିକ୍ରିକୁ ନେଇ ବାରବାଟୀରେ ଉତ୍ତେଜନା ବାଲେଶ୍ବର: ସୋର ଛପୋଲିଆରେ ଦୁର୍ଘଟଣା. ଅଳ୍ପକେ ବର୍ତ୍ତିଲେ ଡ୍ରାଇଭର ହେଲପର