ବ୍ରହ୍ମପୁରରେ ପୁଣି ଏନକାଉଣ୍ଟର : ଦୁର୍ଦ୍ଦାନ୍ତ ଅପରାଧୀ କେଶବ ଆହତ

ବ୍ରହ୍ମପୁରରେ ପୁଣି ଏନକାଉଣ୍ଟର : ଦୁର୍ଦ୍ଦାନ୍ତ ଅପରାଧୀ କେଶବ ଆହତ

Copy Editor AH | Published On: Oct 11, 2017 08:26 PM IST | Updated On: Oct 11, 2017 08:48 PM IST |   206

ବ୍ରହ୍ମପୁର : ବ୍ରହ୍ମପୁରରେ ପୁଣି ପୁଲିସ ଏନକାଉଣ୍ଟରରେ ଜଣେ ଦୁର୍ଦ୍ଦାନ୍ତ ଅପରାଧୀ ଆହତ ହୋଇଛି । ବୁଧବାର ସଂଧ୍ୟାରେ ଜାତୀୟ ରାଜପଥ କଡରେ ଥିବା ଓମ୍ ସାଇ ହଷ୍ଟେଲ ନିକଟରେ ଚଢ଼ାଉ କରି ପୁଲିସ ଏନ୍‌କାଉଣ୍ଟର କରିଥିଲା । ଏଥିରେ ଦୁର୍ଦ୍ଦାନ୍ତ ଅପରାଧୀ କେଶବ କୁନ୍ଦ ଓରଫ ଥେସା କାଳିଆ ଆହତ ହୋଇଥିବା ଜଣାପଡ଼ିଛି । କାଳିଆକୁ ବ୍ରହ୍ମପୁର ବଡ଼ମେଡ଼ିକାଲରେ ଭର୍ତ୍ତି କରାଯାଇଛି। ଗଞ୍ଜାମ ଜିଲ୍ଲା ଜରଡ଼ା ଥାନା ଅନ୍ତର୍ଗତ ଖଇରାଗୁଡ଼ା ଗ୍ରାମରେ କାଳିଆର ଘର । ତା’ ବାମ ଗୋଡରେ ଗୁଳି ବାଜିଛି । ପୁଲିସ କାଳିଆ ଠାରୁ ୩ ଟି ଜୀବନ୍ତ ଗୁଳି ଜବତ କରିଛି। ବ୍ରହ୍ମପୁର ପୁଲିସ ଜିଲ୍ଲାର ବିଭିନ୍ନ ଥାନାରେ ଥେସା କାଳିଆ ନାମରେ ୧୫ରୁ ଅଧିକ ମାମଲା ରହିଛି । କାଳିଆ ନାମରେ ଡକାୟତି, ଚୋରି, ହତ୍ୟା, ରାହାଜାନୀ ଆଦି ମାମଲା ରହିଛି । ସେ କୁରେଶ ଗୌଡ଼ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଥିଲା ବୋଲି ପୁଲିସ ପକ୍ଷରୁ କୁହାଯାଇଛି। ଏହି ଏନ୍‌କାଉଣ୍ଟରରେ ସମୟରେ ବୈଦ୍ୟନାଥପୁର ଥାନା ଏସ୍‌ଆଇ ଦୀପ୍ତି ରଞ୍ଜନ ପ୍ରଧାନ ଆହତ ହୋଇଛନ୍ତି ବୋଲି ଟାଉନ ଏସଡିପିଓ ସାନ୍ତନୁ ଦାଶ ସୂଚନା ଦେଇଛନ୍ତି।
Tags:

Like Us

Breaking News

ବରଗଡ: ମନ୍ତ୍ରୀ ସୁଶାନ୍ତ ସିଂହ ଭାଇଙ୍କୁ ଆକ୍ରମଣ ଘଟଣାରେ ୩ ଗିରଫ ଚାନ୍ଦବାଲି: ଧାମରା ବନ୍ଦରର କନଭେୟର ବେଲ୍ଟରେ ଅଗ୍ନିକାଣ୍ଡ କଟକ: ଆଜିଠୁ ଆରମ୍ଭ ହେଲା ମାଟ୍ରିକ୍ ପରୀକ୍ଷା ଅନୁଗୁଳ: ଅନୁଗୁଳ ଥାନା ମୁଶାପାପୁଲି ନିକଟରେ ଆଜି ସନ୍ଧ୍ୟା ୬ଟାରେ ଦୁର୍ଘଟଣା ଘଟି ୨ ମୃତ