ସମ୍ବଲପୁର: ଧନୁଯାତ୍ରାର ତୃତୀୟ ଦିବସ ଶୁକ୍ରବାର ଦିନ ମହାରାଜା କଂସ ମଥୁରା ନଗର ଭ୍ରମଣ କରିବା ସମୟରେ ପ୍ରଜାବାସୀଙ୍କ ମଧ୍ୟରେ ଆନନ୍ଦ ଉଲ୍ଲାସ ଦେଖାଦେଇଛି। ବିଭିନ୍ନ ଛକରେ ମହାରାଜା କଂସ ଓ ମନ୍ତ୍ରୀ ପାରିଷଦଙ୍କୁ ସମ୍ବର୍ଦ୍ଧିତ କରାଯାଇଥିଲା। ଦିନ ୧୦ ଟାରୁ ନିଜ ଦରବାରରୁ ମହାରାଜା କଂସ ନିଜର ମନ୍ତ୍ରୀ ପରିଷଦ ଓ ଗୁପ୍ତଚର ସହ ବାହାରି ନେଲସନ ମଣ୍ଡେଲା, ଜେଲଖାନା ଛକ ଦେଇ ଧନୁପାଲି, ମହାବୀରପଡା, ଗୋବିନ୍ଦତୋଳା ପ୍ରଭୁତି ଅଞ୍ଚଳ ବୁଲି ରାଜ ଉଆଁସକୁ ଫେରିଥିଲେ। ଏହି ସମୟରେ ମହାରାଜା କଂସ ଲୋକଙ୍କ ଦୁଃଖ ସୁଖ ପଚାରି ବୁଝି ଏକ ସାଂସ୍କୃତିକ ଓ ସଂହତି ପୂର୍ଣ୍ଣ ପରିବେଶ ସୃଷ୍ଟି କରିବାକୁ ଆହ୍ୱାନ ଦେଇଥିଲେ। ମହାରାଜା କଂସଙ୍କ ମଥୁରା ରାଜ୍ୟ ଭ୍ରମଣ ସମୟରେ ଏଭଳି ଜନ କଲ୍ୟାଣ ମୂଳକ ସଚେତନତା ନେଇ ମଥୁରା ନାଗରୀରେ ଉଲ୍ଲାସ ଖେଳି ଯାଇଥିଲା। ଗୋବିନ୍ଦତୋଳା ଦୁର୍ଗା ପୂଜା କମିଟି ସହିତ ବିଭିନ୍ନ ଅଞ୍ଚଳରେ ମହାରାଜା କଂସଙ୍କ ସହିତ ସମସ୍ତ ମନ୍ତ୍ରୀ ପରିଷଦଙ୍କୁ ସମର୍ଦ୍ଧିତ କରାଯାଇଥିଲା। ଏହି ଅବସରରେ ମହାରାଜା କଂସ ଗୋବିନ୍ଦତୋଳାରେ ସ୍ଥାୟୀ ଦୁର୍ଗାମଣ୍ଡପ ନିର୍ମାଣ ପାଇଁ ଜିଲା ପ୍ରଶାସନଙ୍କୁ ପରାମର୍ଶ ଦେଇଥିଲେ।
Comments are closed.